Kadakampally Surendran criticizes PWD over SAT Hospital power outage

പൊതുമരാമത്ത് വകുപ്പിനെതിരെ വീണ്ടും പരോക്ഷ വിമർശനവുമായി മുൻ മന്ത്രി കടകംപള്ളി സുരേന്ദ്രൻ രംഗത്തെത്തി. തിരുവനന്തപുരം എസ്എടി ആശുപത്രിയിലെ വൈദ്യുതി മുടക്കത്തിലെ വീഴ്ചയിൽ ന്യായീകരണമില്ലെന്നാണ് അദ്ദേഹത്തിന്റെ വിമർശനം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വൈദ്യുതി ബോർഡ് സംഘടിപ്പിച്ച പരിപാടിയിലെ പൊതു വേദിയിലായിരുന്നു കടകംപള്ളിയുടെ പ്രതികരണം. ആശുപത്രിയിലെ ജനറേറ്റർ മെയിന്റനൻസ് ചുമതലയുണ്ടായിരുന്ന പിഡബ്ല്യുഡി ഉദ്യോഗസ്ഥർക്ക് വീഴ്ച സംഭവിച്ചുവെന്ന പ്രാഥമിക വിലയിരുത്തലിന്റെ അടിസ്ഥാനത്തിൽ മൂന്ന് പിഡബ്ല്യുഡി ഉദ്യോഗസ്ഥരെ സസ്പെൻഡ് ചെയ്തിരുന്നു.

എന്നാൽ അന്വേഷണ റിപ്പോർട്ടിൽ പോലും അംഗീകരിക്കാത്ത വീഴ്ചയിൽ ന്യായീകരണമില്ലെന്നു കടകംപള്ളി സുരേന്ദ്രൻ വിമർശിച്ചു. മുൻപ് പിഡബ്ല്യുഡി വകുപ്പിനെതിരെയുള്ള വിമർശനം മുഹമ്മദ് റിയാസ് – കടകംപള്ളി പോരിലേക്ക് എത്തിയിരുന്നു.

സിപിഐഎം സംസ്ഥാന നേതൃയോഗങ്ങളിൽ ഉൾപ്പടെ ചർച്ചയാവുകയും വിമർശനങ്ങൾക്ക് വഴി വെയ്ക്കുകയും ചെയ്തിരുന്നു. വീണ്ടും വകുപ്പുകൾക്കെതിരെയുള്ള കടകംപള്ളിയുടെ വിമർശനത്തിൽ പാർട്ടി നിലപാടാണ് നിർണ്ണായകം.

യൂത്ത് കോൺഗ്രസ് അധ്യക്ഷ സ്ഥാനത്തെ ചൊല്ലി കോൺഗ്രസിൽ തർക്കം; പുതിയ ചേരിതിരിവുകൾക്ക് സാധ്യത

Story Highlights: Former minister Kadakampally Surendran criticizes PWD department over power outage at SAT Hospital in Thiruvananthapuram

ശബരിമല സ്വര്ണ്ണക്കൊള്ള: കടകംപള്ളി സുരേന്ദ്രനും പങ്കെന്ന് വി.ഡി. സതീശന്