KA Suresh quits Congress, joins CPI(M) in Palakkad

പാലക്കാട് കോൺഗ്രസിൽ നിന്ന് വീണ്ടും കൊഴിഞ്ഞുപോക്ക് സംഭവിച്ചിരിക്കുന്നു. ദളിത് കോൺഗ്രസ് പിരായിരി മണ്ഡലം പ്രസിഡന്റായിരുന്ന കെ എ സുരേഷ് കോൺഗ്രസ് വിട്ടു. ഷാഫി പറമ്പിലിന്റെ ഏകാധിപത്യ നിലപാടിൽ പ്രതിഷേധിച്ചാണ് സുരേഷ് കോൺഗ്രസിൽ നിന്ന് രാജിവെച്ചത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഷാഫിയുടെ അടുപ്പക്കാർക്ക് മാത്രമാണ് പാർട്ടിയിൽ നേട്ടമെന്ന് സുരേഷ് കുറ്റപ്പെടുത്തി. കോൺഗ്രസ് വിട്ട സുരേഷ് സിപിഐഎമ്മിൽ ചേർന്നതായി അറിയിച്ചു.

സിപിഐഎം ജില്ലാ സെക്രട്ടറിയുമായി കൂടിക്കാഴ്ച നടത്തിയിരുന്നു. കുട്ടിക്കാലം മുതൽ കോൺഗ്രസിൽ പ്രവർത്തിച്ചുവരികയായിരുന്നുവെന്നും ഷാഫിയുടെ ഗ്രൂപ്പ് കളിയെ തുടർന്നാണ് കോൺഗ്രസ് വിട്ട് സിപിഐഎമ്മിലേക്ക് പോകുന്നതെന്ന് സുരേഷ് മാധ്യമങ്ങളോട് പറഞ്ഞു. സരിനെ ജയിപ്പിക്കാനായി സിപിഐഎമ്മിനൊപ്പം ഇനി ഉണ്ടാകുമെന്ന് സുരേഷ് വ്യക്തമാക്കി.

— /wp:paragraph –> നേതൃത്വത്തോട് പരാതി പറഞ്ഞിട്ടും മറുപടിയൊന്നും ലഭിക്കാറില്ലെന്നും പാലക്കാട് കോൺഗ്രസിൽ അസംതൃപ്തർ ഏറെയാണെന്നും പാർട്ടി വിട്ട കെഎ സുരേഷ് വ്യക്തമാക്കി. ഷാഫി പറമ്പിലിന്റെ ധിക്കാരനടപടികളാണ് പാർട്ടി വിടാൻ കാരണമെന്നും ഇനിയും നിരവധി പേർ പാർട്ടി വിട്ട് പുറത്ത് വരുമെന്നും സുരേഷ് പറഞ്ഞു. സരിന്റെ വിജയത്തിന് വേണ്ടി ആത്മാർത്ഥമായി പ്രവർത്തിക്കുമെന്നും അദ്ദേഹം കൂട്ടിച്ചേർത്തു.

ഖാദി ഉപേക്ഷിച്ച് യൂത്ത് കോൺഗ്രസ്; കോൺഗ്രസിൽ പുതിയ വിവാദം ഉടലെടുക്കുന്നു

Story Highlights: KA Suresh leaves Congress and joins CPI(M) in Palakkad, citing Shafi Parambil’s autocratic stance

പാലക്കാട് നിപ ബാധിതയുടെ നില ഗുരുതരം; കോഴിക്കോട്ടേക്ക് മാറ്റും