BJP's K Surendran Warns Media Against Defamation Attempts

മാധ്യമപ്രവർത്തകർക്കെതിരെ കടുത്ത മുന്നറിയിപ്പുമായി ബിജെപി സംസ്ഥാന അധ്യക്ഷൻ കെ സുരേന്ദ്രൻ രംഗത്തെത്തി. ബിജെപിയെ പൊതുസമൂഹത്തിൽ അപകീർത്തിപ്പെടുത്താൻ ശ്രമിക്കുന്ന മാധ്യമപ്രവർത്തകരെ വെറുതെ വിടില്ലെന്ന് അദ്ദേഹം വ്യക്തമാക്കി. കഴിഞ്ഞ മൂന്നു നാലു ദിവസങ്ങളിൽ മാധ്യമങ്ങൾ നടത്തുന്ന ശ്രമങ്ങളെ ഒരു തരത്തിലും അംഗീകരിക്കില്ലെന്നും സുരേന്ദ്രൻ പറഞ്ഞു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ബിജെപി എന്ന മഹാപ്രസ്ഥാനത്തെ അപമാനിച്ചാൽ ആരെയും വെറുതെ വിടില്ലെന്ന് സുരേന്ദ്രൻ മുന്നറിയിപ്പ് നൽകി. കള്ള വാർത്തകൾ പ്രചരിപ്പിക്കുന്നവരെ ശരിയായ രീതിയിൽ കൈകാര്യം ചെയ്യുമെന്നും അദ്ദേഹം വ്യക്തമാക്കി. പാലക്കാട് ഉപതിരഞ്ഞെടുപ്പിന്റെ മറവിൽ നൂറുകണക്കിന് ആളുകൾ ബലികൊടുത്ത് പടുത്തുയർത്തിയ പ്രസ്ഥാനത്തെ കരിവാരി തേക്കാൻ മാധ്യമങ്ങൾ നടത്തുന്ന ശ്രമത്തെ അംഗീകരിക്കില്ലെന്നും സുരേന്ദ്രൻ പറഞ്ഞു.

ആത്മഹത്യ ചെയ്ത നവീൻ ബാബുവിന്റെ കുടുംബത്തെ സന്ദർശിച്ച ശേഷമാണ് സുരേന്ദ്രൻ മാധ്യമങ്ങളോട് സംസാരിച്ചത്. നവീൻ ബാബുവിന്റെ കേസിൽ ദിവ്യയെയും കലക്ടറെയും പൂർണമായും സംരക്ഷിക്കുന്ന രീതിയിലാണ് പ്രത്യേക അന്വേഷണസംഘം പ്രവർത്തിച്ചതെന്ന് അദ്ദേഹം കുറ്റപ്പെടുത്തി. തെളിവുകൾ നശിപ്പിക്കുന്ന തരത്തിലുള്ള അന്വേഷണമാണ് നടന്നതെന്നും സുരേന്ദ്രൻ ആരോപിച്ചു. കേരളത്തിലെ പൊതുസമൂഹത്തോട് തങ്ങൾ നവീൻ ബാബുവിന്റെ കുടുംബത്തോടൊപ്പം നിൽക്കുന്നുവെന്ന് കാണിക്കാൻ വേണ്ടി മാത്രം നടത്തിയ അന്വേഷണമാണിതെന്നും അദ്ദേഹം പറഞ്ഞു.

രാഹുൽ മാങ്കൂട്ടത്തിൽ വിവാദം: നടപടി വൈകരുതെന്ന് ചെന്നിത്തല; നിലപാട് കടുപ്പിച്ച് വി.ഡി സതീശനും

Story Highlights: BJP State President K Surendran threatens media workers over alleged defamation attempts

രാഹുൽ മാങ്കൂട്ടത്തിൽ എംഎൽഎ സ്ഥാനം രാജിവെക്കണം: അനൂപ് ആന്റണി