Kerala BJP Chief Slams State Govt Over Karnataka Landslide Rescue

കർണാടകയിലെ അങ്കോലയിൽ മണ്ണിടിച്ചിലിൽ കുടുങ്ങിയ മലയാളി ഡ്രൈവർ അർജുന്റെ രക്ഷാപ്രവർത്തനത്തിൽ കേരള സർക്കാരിന്റെ ഭാഗത്തുനിന്ന് യാതൊരു ഇടപെടലും ഉണ്ടായില്ലെന്ന് ബിജെപി സംസ്ഥാന അധ്യക്ഷൻ കെ. സുരേന്ദ്രൻ കുറ്റപ്പെടുത്തി. സംസ്ഥാന മന്ത്രിമാർ രക്ഷാപ്രവർത്തനത്തിലേക്ക് എത്താതിരുന്നത് സർക്കാരിന്റെ കുറ്റകരമായ അനാസ്ഥയാണെന്ന് അദ്ദേഹം പ്രസ്താവനയിൽ ചൂണ്ടിക്കാട്ടി. കുവൈറ്റിലേക്ക് പോകാൻ ബാഗുമായി വിമാനത്താവളത്തിലെത്തിയ മന്ത്രിമാർ എന്തുകൊണ്ട് തൊട്ടടുത്തുള്ള അർജുനെ രക്ഷിക്കാൻ പോയില്ലെന്നും അദ്ദേഹം ചോദിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കർണാടക സർക്കാർ വൈര്യനിര്യാതന ബുദ്ധിയോടെയാണ് ഇടപെട്ടതെന്നും കർണാടക സർക്കാരിന്റെ അനാസ്ഥയ്ക്കെതിരെ ബിജെപി ശക്തമായ പ്രതിഷേധം നടത്തുമെന്നും കെ. സുരേന്ദ്രൻ പറഞ്ഞു. എന്നാൽ, കർണാടകയിൽ നിന്നുള്ള കേന്ദ്രമന്ത്രി എച്ച്. ഡി.

കുമാരസ്വാമി ദുരന്തമുണ്ടായ അങ്കോലയിലെത്തി. മുഖ്യമന്ത്രി സിദ്ധരാമയ്യയും ഇവിടേക്ക് എത്തിയേക്കുമെന്ന് അറിയിച്ചു. ഷിരൂരിലെ രക്ഷാപ്രവർത്തനം ശരിയായ രീതിയിൽ നടക്കുന്നുണ്ടെന്നും ദൗത്യത്തിൽ വീഴ്ചയില്ലെന്നും കുമാരസ്വാമി വ്യക്തമാക്കി. രക്ഷാപ്രവർത്തനത്തിന് സൈന്യത്തിന്റെ സഹായം തേടേണ്ട ആവശ്യമില്ലെന്ന് കേന്ദ്രമന്ത്രി പറഞ്ഞു.

നിറത്തിന്റെ പേരിലുള്ള അധിക്ഷേപം: ചീഫ് സെക്രട്ടറിക്ക് മന്ത്രി എം.ബി. രാജേഷിന്റെ പിന്തുണ

അപകടത്തിൽപ്പെട്ടവരുടെ കുടുംബങ്ങൾക്ക് കേന്ദ്രസർക്കാർ സഹായം നൽകുമെന്നും അദ്ദേഹം അറിയിച്ചു. എട്ട് മണ്ണുമാന്തി യന്ത്രങ്ങൾ ഒരേസമയം പ്രവർത്തിക്കുന്നുണ്ടെങ്കിലും അർജുൻ അടക്കം മൂന്നുപേരെയാണ് ഇനിയും കണ്ടെത്താനുള്ളത്. അങ്കോലയിൽ റെഡ് അലേർട്ട് നൽകിയിരിക്കുകയാണ്. എന്നാൽ, അർജുന്റെ കുടുംബം സൈന്യത്തിന്റെ സഹായം വേണമെന്ന് ആവശ്യപ്പെടുന്നുണ്ട്.

ലൈസൻസില്ലാതെ ട്രാക്ടർ ഓടിച്ച കെ. സുരേന്ദ്രൻ: ഉടമയ്ക്ക് 5000 രൂപ പിഴ