കോൺഗ്രസിനെതിരെയുള്ള സിപിഎമ്മിന്റെ വിമർശനങ്ങൾക്ക് കെപിസിസി പ്രസിഡന്റ് കെ. സുധാകരൻ എംപി മറുപടി നൽകി. മതനിരപേക്ഷ കക്ഷികൾക്ക് കോൺഗ്രസിനെ വിശ്വസിക്കാനാവില്ലെന്ന ബിജെപിയുടെ വാദം ആവർത്തിക്കുന്ന മുഖ്യമന്ത്രി പിണറായി വിജയനെ ആർഎസ്എസ് പ്രചാരകനാക്കണമെന്ന് സുധാകരൻ പറഞ്ഞു. ബിജെപിയെ ഫാസിസ്റ്റ് എന്ന് വിളിക്കാൻ പോലും മടിക്കുന്ന മുഖ്യമന്ത്രി, ഇന്ത്യാ സഖ്യത്തിന് നേതൃത്വം നൽകുന്ന കോൺഗ്രസിനെയാണ് അപകീർത്തിപ്പെടുത്തുന്നതെന്നും അദ്ദേഹം കുറ്റപ്പെടുത്തി. ബിജെപിയുടെ ഔദാര്യത്തിലാണ് പിണറായി വിജയൻ മുഖ്യമന്ത്രിയായതെന്നും സുധാകരൻ ആരോപിച്ചു.
ലാവലിൻ കേസ് ഉൾപ്പെടെയുള്ള അഴിമതിക്കേസുകൾ ബിജെപിയുമായി ധാരണയുണ്ടാക്കി മൂടിവച്ചുവെന്നും ഇന്ത്യാ സഖ്യത്തിനെതിരെ ബിജെപിയുടെ പാദസേവകനായി പ്രവർത്തിക്കുകയാണെന്നും അദ്ദേഹം പറഞ്ഞു. സഖ്യത്തിനുവേണ്ടി ഒരിടത്തും പ്രചാരണത്തിനിറങ്ങാത്ത ഏക ബിജെപിയിതര മുഖ്യമന്ത്രി പിണറായി വിജയനാണെന്നും സുധാകരൻ ചൂണ്ടിക്കാട്ടി. മോദിയെയോ ബിജെപിയെയോ ഫാസിസ്റ്റ് എന്ന് വിളിക്കാൻ സിപിഎം തയ്യാറല്ലെന്നും സുധാകരൻ പറഞ്ഞു. സിപിഐഎം എന്നാൽ കമ്യൂണിസ്റ്റ് പാർട്ടി ഓഫ് പിണറായി വിജയനാണെന്നും പോളിറ്റ് ബ്യൂറോ, ദേശീയ ജനറൽ സെക്രട്ടറി, കേന്ദ്ര കമ്മിറ്റി എന്നിവ വെറും അലങ്കാരങ്ങളാണെന്നും അദ്ദേഹം ആരോപിച്ചു. ബാബറി മസ്ജിദ് പൊളിച്ചതും ഭക്ഷണത്തിന്റെയും വസ്ത്രധാരണത്തിന്റെയും പേരിൽ ആളുകളെ കൊലപ്പെടുത്തിയതും പൗരത്വ ഭേദഗതി നിയമം നടപ്പാക്കിയതുമൊന്നും പിണറായി വിജയന് ഫാസിസമല്ലെന്നും സുധാകരൻ പരിഹസിച്ചു.
ഡൽഹിയിൽ ആറ് സീറ്റിൽ മത്സരിച്ച സിപിഎമ്മിന് 0. 4 ശതമാനം വോട്ട് മാത്രമാണ് ലഭിച്ചതെന്നും സുധാകരൻ ചൂണ്ടിക്കാട്ടി. ദശാബ്ദങ്ങൾ ഭരിച്ച പശ്ചിമ ബംഗാളിൽ ഇടതുപക്ഷ വോട്ടുകൾ ബിജെപിയിലേക്ക് ഒഴുകി. ഹരിയാനയിൽ കോൺഗ്രസാണ് സിപിഐഎമ്മിന് ഒരു സീറ്റ് നൽകിയത്. പിണറായി വിജയനെ സ്തുതിച്ച ആം ആദ്മി പാർട്ടി ഒരു സീറ്റുപോലും നൽകിയില്ല.
തമിഴ്നാട്ടിൽ രാഹുൽ ഗാന്ധിയുടെ ചിത്രം വച്ചാണ് സിപിഐഎം വോട്ട് പിടിച്ചതെന്നും അദ്ദേഹം പറഞ്ഞു. കഴിഞ്ഞ ലോക്സഭാ തെരഞ്ഞെടുപ്പിൽ 1. 76 ശതമാനം വോട്ട് മാത്രം നേടിയ സിപിഐഎം ആണ് രാജ്യത്ത് ബിജെപിയെ നേരിടുന്നതെന്ന് പിണറായി വിജയൻ അവകാശപ്പെടുന്നു. എന്നാൽ, കഴിഞ്ഞ തെരഞ്ഞെടുപ്പിൽ 21. 19 ശതമാനം വോട്ട് നേടി ബിജെപിയോട് നേർക്കുനേർ ഏറ്റുമുട്ടുന്നത് കോൺഗ്രസാണെന്ന് സുധാകരൻ വ്യക്തമാക്കി.
അരിയും തിന്നു ആശാരിയെയും കടിച്ചു എന്ന മട്ടിലാണ് സിപിഎം കോൺഗ്രസിനെ വിമർശിക്കുന്നതെന്നും സുധാകരൻ പറഞ്ഞു.
Story Highlights: K Sudhakaran criticizes Pinarayi Vijayan for echoing BJP’s stance on Congress and accuses him of acting as an RSS campaigner.
പുതിയ കെപിസിസി പ്രസിഡന്റായി സണ്ണി ജോസഫിനെ നിയമിച്ചതിൽ സന്തോഷമുണ്ടെന്ന് കെ. സുധാകരൻ അറിയിച്ചു. Read more
കെ.പി.സി.സി അധ്യക്ഷ സ്ഥാനത്ത് നിന്ന് കെ. സുധാകരനെ മാറ്റാനുള്ള നീക്കത്തിനെതിരെ എസ്.എൻ.ഡി.പി യോഗം Read more
കെ. സുധാകരന് പിന്തുണയുമായി സംസ്ഥാനത്തിന്റെ പലയിടത്തും ഫ്ളക്സ് ബോർഡുകൾ ഉയർന്നു. കെപിസിസി അധ്യക്ഷനെ Read more
മുഖ്യമന്ത്രി പിണറായി വിജയൻ തീവ്രവാദത്തിനെതിരെ കേന്ദ്രസർക്കാരിനും പ്രതിരോധ സേനകൾക്കും പൂർണ്ണ പിന്തുണ അറിയിച്ചു. Read more
കെ. സുധാകരനെ കെപിസിസി അധ്യക്ഷ സ്ഥാനത്ത് നിന്ന് മാറ്റാൻ ഹൈക്കമാൻഡ് തീരുമാനിച്ചു. ആരോഗ്യസ്ഥിതി Read more
കെപിസിസി അധ്യക്ഷ സ്ഥാനത്ത് മാറ്റം വരുത്തുന്ന കാര്യത്തിൽ കോൺഗ്രസ് ആശയക്കുഴപ്പത്തിലാണ്. മുതിർന്ന നേതാക്കളുമായി Read more
കെപിസിസി അധ്യക്ഷ സ്ഥാനമാറ്റ വിവാദത്തിൽ പ്രതികരിക്കാനില്ലെന്ന് രമേശ് ചെന്നിത്തല. സംസ്ഥാന ജനറൽ സെക്രട്ടറിയാണ് Read more
കോൺഗ്രസ് നേതൃമാറ്റ വിവാദത്തിൽ രാഹുൽ മാങ്കൂട്ടത്തിലിന് പിന്തുണയുമായി ഷാഫി പറമ്പിൽ. യൂത്ത് കോൺഗ്രസിന്റെ Read more
കെപിസിസി അധ്യക്ഷ സ്ഥാനത്തെ ചൊല്ലിയുള്ള ചർച്ചകൾക്കിടെ മാധ്യമങ്ങളുടെ ചോദ്യങ്ങൾക്ക് മറുപടി നൽകി കെ. Read more
കെപിസിസി നേതൃമാറ്റത്തെച്ചൊല്ലി കോൺഗ്രസിൽ ആശങ്കയും അനിശ്ചിതത്വവും. കെ. സുധാകരനെ അനുനയിപ്പിക്കാൻ മുതിർന്ന നേതാക്കൾ Read more
