K Radhakrishnan MP Criticizes Waqf Act Amendment Bill

കേന്ദ്ര സർക്കാർ അവതരിപ്പിച്ച വഖഫ് നിയമ ഭേദഗതി ബില്ലിനെതിരെ ശക്തമായ വിമർശനവുമായി കെ രാധാകൃഷ്ണൻ എംപി രംഗത്തെത്തി. സർവ്വകക്ഷി യോഗത്തിൽ ബില്ലിനെക്കുറിച്ചുള്ള ആശങ്കകൾ പങ്കുവെച്ചതായി അദ്ദേഹം വ്യക്തമാക്കി. മതപരമായ കാര്യങ്ങളിലേക്കുള്ള സർക്കാരിന്റെ കടന്നുകയറ്റമാണ് ഈ ബില്ലെന്നും, ഇന്ത്യൻ ഭരണഘടന ഉറപ്പു നൽകുന്ന തുല്യത തകർക്കാനുള്ള ശ്രമമാണിതെന്നും അദ്ദേഹം ആരോപിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മതവിശ്വാസത്തിനനുസരിച്ചാണ് മതവുമായി ബന്ധപ്പെട്ട സംവിധാനങ്ങൾ പ്രവർത്തിക്കുന്നതെന്നും, അതിൽ കൈകടത്തുന്നത് സ്വാതന്ത്ര്യത്തിൽ കൈവയ്ക്കുന്നതിന് തുല്യമാണെന്നും കെ രാധാകൃഷ്ണൻ എംപി അഭിപ്രായപ്പെട്ടു. ദേവസ്വം ബോർഡിലേക്ക് തിരഞ്ഞെടുക്കപ്പെട്ട വ്യക്തിയുടെ പേരിന്റെ പേരിൽ പോലും മുമ്പ് പ്രശ്നങ്ങളുണ്ടാക്കിയിട്ടുണ്ടെന്നും, വഖഫ് ബോർഡിൽ മറ്റെല്ലാവർക്കും കയറി കൂടാനുള്ള ശ്രമം എന്ന ആശങ്ക ഉണ്ടെന്നും അദ്ദേഹം പറഞ്ഞു.

മനുഷ്യനെ വിഭജിക്കാനുള്ള തന്ത്രത്തിന്റെ ഭാഗമാണ് ഈ ബില്ലെന്ന് കെ രാധാകൃഷ്ണൻ കുറ്റപ്പെടുത്തി. കലാപം ആരംഭിച്ചാൽ തടയാൻ കഴിയില്ല എന്നതിന്റെ തെളിവാണ് മണിപ്പൂർ എന്നും അദ്ദേഹം ചൂണ്ടിക്കാട്ടി. വിഭജിച്ചു ഭരിക്കുക എന്ന നയം ഫലപ്രദമായി നടപ്പാക്കാൻ ശ്രമിക്കുന്നതായും അദ്ദേഹം ആരോപിച്ചു. മുനമ്പം വിഷയത്തിൽ സർക്കാർ കമ്മീഷനെ നിയോഗിച്ചിട്ടുണ്ടെന്നും, വലുതാക്കാതിരിക്കാനുള്ള നടപടിയാണ് സംസ്ഥാന സർക്കാർ ചെയ്യുന്നതെന്നും കെ രാധാകൃഷ്ണൻ വ്യക്തമാക്കി.