Search for Joy in Amayizhanjan Canal: Robot Camera Detects Body

തിരുവനന്തപുരം തമ്പാനൂർ റെയിൽവേ സ്റ്റേഷന് സമീപത്തെ ആമയിഴഞ്ചാൻ തോട് വൃത്തിയാക്കാനിറങ്ങി കാണാതായ മാരായമുട്ടം സ്വദേശി ജോയിക്കായി നടത്തുന്ന തിരച്ചിലിൽ പുതിയ വഴിത്തിരിവ്. റോബോട്ടിക് യന്ത്രത്തിന്റെ ക്യാമറയിൽ മനുഷ്യശരീരത്തിന്റെ ദൃശ്യം തെളിഞ്ഞതായി റിപ്പോർട്ട്. എന്നാൽ, ഇത് മനുഷ്യശരീരമാണെന്നോ അത് ജോയിയാണെന്നോ ഇതുവരെ സ്ഥിരീകരിച്ചിട്ടില്ല.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പരിശോധന 27-ാം മണിക്കൂറിലേക്ക് നീങ്ങുന്നതിനിടെയാണ് ഈ നേരിയ സൂചന ദൗത്യസംഘത്തിന് ലഭിച്ചത്. എൻഡിആർഎഫും ഫയർഫോഴ്സ് സ്കൂബ സംഘവും ഇതുവരെ നടത്തിയ തിരച്ചിൽ വിഫലമായിരുന്നു. ടണലിനുള്ളിലേക്ക് ക്യാമറ കടത്തിയുള്ള പരീക്ഷണം തുടരുകയാണ്.

രണ്ടു വശത്ത് നിന്നും പരിശോധന നടത്തുന്നതായി മന്ത്രി വി ശിവൻകുട്ടി അറിയിച്ചു. ജോയിയെ ഉടൻ കണ്ടെത്താനുള്ള ശ്രമങ്ങൾ തുടരുകയാണെന്നും അദ്ദേഹം കൂട്ടിച്ചേർത്തു. തുരങ്കത്തിന് പുറത്തും പരിശോധന നടത്താൻ ആലോചിക്കുന്നതായി ഫയർഫോഴ്സ് മേധാവി കെ പത്മകുമാർ വ്യക്തമാക്കി.

ദേശീയ ദുരന്ത പ്രതികരണ സേനയുടെ 30 അംഗ സംഘം രാവിലെ 6:30-ന് രക്ഷാദൗത്യം ആരംഭിച്ചു. തുടർന്ന് ഫയർഫോഴ്സിന്റെ സ്കൂബ സംഘവും നഗരസഭയിലെ ശുചീകരണ വിഭാഗം ജീവനക്കാരും രംഗത്തെത്തി. മൂന്നംഗ സ്കൂബ സംഘം മൂന്നാം ട്രാക്കിലെ മാൻഹോളിൽ ഇറങ്ങി പരിശോധന നടത്തി.

ആശാ വർക്കേഴ്സ് സമരം ശക്തമാക്കുന്നു; തിങ്കളാഴ്ച മുടി മുറിച്ച് പ്രതിഷേധം

മനുഷ്യശരീരമെന്ന് സ്ഥിരീകരിക്കാനും രക്ഷപ്പെടുത്താനും മനുഷ്യർ തന്നെ അകത്തേക്ക് കടക്കേണ്ടി വരുമെന്ന് അധികൃതർ അറിയിച്ചു.

ഐ.ബി. ഉദ്യോഗസ്ഥയുടെ ആത്മഹത്യ: സഹപ്രവർത്തകൻ ഒളിവിൽ