Jorich van Schalkwyk Creates History with Double Century in Youth ODI

യൂത്ത് ഏകദിന ക്രിക്കറ്റ് ചരിത്രത്തില് പുതിയ റെക്കോഡിട്ട് ദക്ഷിണാഫ്രിക്കന് താരം. സിംബാബ്വെക്കെതിരെ നടന്ന മത്സരത്തില് ജോറിച്ച് വാന് ഷാല്ക്വിക്ക് ഇരട്ട സെഞ്ചുറി നേടി. യൂത്ത് ഏകദിനത്തില് ഇരട്ട സെഞ്ചുറി നേടുന്ന ആദ്യ ബാറ്റ്സ്മാനായി ഇതോടെ അദ്ദേഹം മാറി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഹരാരെയില് നടന്ന ത്രിരാഷ്ട്ര പരമ്പരയിലെ ആദ്യ മത്സരത്തിലാണ് 18-കാരനായ ഓപ്പണര് ജോറിച്ച് വാന് ഷാല്ക്വിക്ക് ഈ നേട്ടം കൈവരിച്ചത്. സിംബാബ്വെ അണ്ടര് 19 ടീമിനെതിരെയായിരുന്നു മത്സരം. ഇതിനു മുന്പ് കഴിഞ്ഞ ആഴ്ച ബംഗ്ലാദേശ് അണ്ടര് 19 ടീമിനെതിരെ വാന് ഷാല്ക്വിക്ക് പുറത്താകാതെ 164 റണ്സ് നേടിയിരുന്നു. സിംബാബ്വെയാകട്ടെ 107 റണ്സിന് പുറത്തായി.

ജോറിച്ച് വാന് ഷാല്ക്വിക്കിന്റെ തകര്പ്പന് ബാറ്റിംഗ് പ്രകടനമാണ് ദക്ഷിണാഫ്രിക്കയ്ക്ക് മികച്ച സ്കോര് സമ്മാനിച്ചത്. മത്സരത്തില് 153 പന്തില് നിന്ന് 215 റണ്സ് ആണ് അദ്ദേഹം അടിച്ചുകൂട്ടിയത്. ഇതില് 19 ഫോറുകളും ആറ് സിക്സറുകളും ഉള്പ്പെടുന്നു.

212 മിനിറ്റാണ് താരം ക്രീസില് ചിലവഴിച്ചത്, 46.2 ഓവറുകളാണ് അദ്ദേഹം ബാറ്റ് ചെയ്തത്. അദ്ദേഹത്തിന്റെ ഈ നേട്ടത്തോടെ ദക്ഷിണാഫ്രിക്ക 385 റണ്സ് നേടി. 2018-ല് ശ്രീലങ്കന് അണ്ടര്-19 ടീമിലെ ഹസിത ബോയഗോഡ (191) നേടിയ റെക്കോര്ഡ് ഇതോടെ പഴങ്കഥയായി.

Story Highlights: Under-19 South African player Jorich van Schalkwyk creates history with a double century in the Youth ODI against Zimbabwe U19 team.