Jharkhand Train Accident: 2 Dead, Many Injured in Howrah-Mumbai Mail Derailment

ജാർഖണ്ഡിലെ ചക്രധർപുറിൽ ബാറ ബംബു ഗ്രാമത്തിൽ ഇന്ന് പുലർച്ചെ 3. 45 ഓടെ ഹൗറ-മുംബൈ മെയിൽ ട്രെയിൻ അപകടത്തിൽപ്പെട്ടു. കൊൽക്കത്തയിലെ ഹൗറയിൽ നിന്ന് മുംബൈയിലേക്ക് പോയ ഹൗറ – സിഎസ്എംടി എക്സ്പ്രസ് ചരക്ക് ട്രെയിനുമായി കൂട്ടിയിടിച്ചതിനെ തുടർന്നാണ് അപകടമുണ്ടായത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ട്രെയിനിൻ്റെ 22 ബോഗികളിൽ 18 എണ്ണം പാളം തെറ്റി. ഇതിൽ 16 എണ്ണം പാസഞ്ചർ കോച്ചുകളും ഒരെണ്ണം പാൻട്രി കാറും മറ്റൊരെണ്ണം പവർ കാറുമായിരുന്നു. അപകടത്തിൽ രണ്ട് പേർ മരിച്ചതായാണ് റിപ്പോർട്ട്.

പരിക്കേറ്റവരെ വിദഗ്ദ്ധ ചികിത്സയ്ക്കായി ആശുപത്രിയിലേക്ക് മാറ്റി. സ്ഥലത്ത് രക്ഷാപ്രവർത്തനം തുടരുകയാണ്. മരിച്ചവരുടെ കുടുംബങ്ങൾക്ക് കേന്ദ്രം 10 ലക്ഷം രൂപ ധനസഹായം പ്രഖ്യാപിച്ചു.

ഗുരുതരമായി പരിക്കേറ്റവർക്ക് അഞ്ച് ലക്ഷം രൂപയും ധനസഹായം പ്രഖ്യാപിച്ചിട്ടുണ്ട്. അപകടത്തിൻ്റെ കാരണം ഇതുവരെ വ്യക്തമായിട്ടില്ല. അപകടത്തെ തുടർന്ന് ഇതുവഴിയുള്ള മൂന്ന് ട്രെയിനുകൾ റദ്ദാക്കുകയും രണ്ട് ട്രെയിനുകൾ ഭാഗികമായി റദ്ദാക്കുകയും ചെയ്തു.

പൊട്ടിയ ചില്ലുമായി സർവ്വീസ്; കെഎസ്ആർടിസിക്ക് പിഴ

അപകടത്തിൽ ദുഃഖം രേഖപ്പെടുത്തിയ പശ്ചിമ ബംഗാൾ മുഖ്യമന്ത്രി മമത ബാനർജി, കേന്ദ്രസർക്കാരിനെ നിശിതമായി വിമർശിച്ചു. ഇത്തരം അപകടങ്ങൾക്ക് അവസാനമില്ലേയെന്ന് ചോദിച്ച അവർ, കേന്ദ്ര റെയിൽവെ മന്ത്രിയെ റീൽ മന്ത്രി എന്ന് പരിഹസിച്ചു.

Story Highlights: Howrah-Mumbai mail train derails in Jharkhand, killing 2 and injuring 20

ട്രെയിൻ അപകടത്തിൽ രണ്ട് മരണം; മലയാറ്റൂരിൽ അച്ഛനും മകനും മുങ്ങിമരിച്ചു