AMMA Mass Resignation: Ethical Decision, Says Jayan Cherthala

താരസംഘടനയായ അമ്മയിലെ കൂട്ടരാജി എല്ലാവരും ഏകകണ്ഠമായി എടുത്ത തീരുമാനമാണെന്ന് സംഘടനയുടെ മുൻ വൈസ് പ്രസിഡന്റ് ജയൻ ചേർത്തല വ്യക്തമാക്കി. ധാർമികതയിൽ ഊന്നിയാണ് രാജി വച്ചതെന്നും, എല്ലാവർക്കും സമ്മതരായവർ വരട്ടെ എന്നതാണ് കൂട്ടായി എടുത്ത തീരുമാനമെന്നും അദ്ദേഹം കൂട്ടിച്ചേർത്തു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ചില തമാശകൾ വരെ പീഡനശ്രമമെന്ന് പറയുമ്പോൾ അതിനൊരു രാഷ്ട്രീയമുണ്ടെന്നും അദ്ദേഹം അഭിപ്രായപ്പെട്ടു. സംഘടനയെ അനാഥമാക്കില്ലെന്നും കലാകാരന്മാർക്കുള്ള മരുന്ന്, പെൻഷൻ എന്നിവ കൃത്യമായി എത്തിക്കുമെന്നും ജയൻ ചേർത്തല ഉറപ്പു നൽകി.

സിനിമാ സെറ്റുകളിൽ തമാശ പറഞ്ഞപ്പോൾ തന്നെ പേടിച്ചവരുണ്ടെന്നും, എന്നാൽ അതിൽ ആ പെൺകുട്ടിയെ കുറ്റം പറയുന്നില്ലെന്നും അദ്ദേഹം വ്യക്തമാക്കി. മാധ്യമങ്ങൾ ഉപയോഗിക്കുന്ന ഭാഷ വച്ച് പൊതുജനങ്ങൾ അമ്മയെ വിലയിരുത്താൻ തുടങ്ങിയിരിക്കുന്നുവെന്നും അദ്ദേഹം ചൂണ്ടിക്കാട്ടി.

അമ്മ ഇരകൾക്കൊപ്പമാണെന്ന കാര്യത്തിൽ ഒരു തരത്തിലുള്ള സംശയവും വേണ്ടെന്നും ഇപ്പോൾ വന്ന ആരോപണങ്ങൾ തെളിഞ്ഞാൽ എന്തായാലും നടപടിയുണ്ടാകുമെന്നും ജയൻ ചേർത്തല ഉറപ്പിച്ചു പറഞ്ഞു. പ്രസിഡന്റ് മോഹൻലാൽ, ജനറൽ സെക്രട്ടറി സിദ്ദിഖ്, വൈസ് പ്രസിഡന്റുമാരായ ജയൻ ചേർത്തല, ജഗദീഷ്, ജോയിന്റ് സെക്രട്ടറി ബാബുരാജ്, ട്രഷറർ ഉണ്ണി മുകുന്ദൻ തുടങ്ങിയവരാണ് രാജിവച്ചത്.

വയനാട് ദുരന്തനിവാരണ ഫണ്ട്: കേരള എംപിമാരുടെ ആരോപണങ്ങൾക്ക് അമിത് ഷായുടെ മറുപടി

ലൈംഗികാതിക്രമ പരാതി ഉയർന്നതിനെത്തുടർന്ന് അമ്മ ജനറൽ സെക്രട്ടറി സിദ്ദിഖ് സംഘടനയിൽ നിന്ന് രാജി വച്ചതിനു പിന്നാലെയാണ് ഈ കൂട്ടരാജി ഉണ്ടായത്.

Story Highlights: Jayan Cherthala explains mass resignation in AMMA as unanimous decision based on ethics

അമ്മയും പ്രൊഡ്യൂസേഴ്സ് അസോസിയേഷനും തമ്മിലുള്ള തർക്കം നിയമയുദ്ധത്തിലേക്ക്