Jayam Ravi's Wife Aarthi Shocked by Divorce Announcement

തെന്നിന്ത്യൻ പ്രിയതാരം ജയം രവിയുടെ വിവാഹമോചന പ്രഖ്യാപനം തന്റെ അറിവോടെയല്ലെന്ന് ഭാര്യ ആരതി വെളിപ്പെടുത്തി. സോഷ്യൽ മീഡിയയിൽ പങ്കുവച്ച കുറിപ്പിലൂടെയാണ് ആരതി ഇക്കാര്യം വ്യക്തമാക്കിയത്. 18 വർഷമായി ഒന്നിച്ചുള്ള ദാമ്പത്യ ജീവിതത്തിൽ ഇത്തരമൊരു പ്രധാന സംഭവം അർഹിക്കുന്ന ബഹുമാനത്തോടെയും സ്വകാര്യതയോടെയും ചെയ്യേണ്ടതായിരുന്നുവെന്ന് ആരതി അഭിപ്രായപ്പെട്ടു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ജയം രവിയുടെ പോസ്റ്റ് കണ്ട് തനിക്ക് ഞെട്ടലും സങ്കടവുമുണ്ടായെന്നും ഭർത്താവിനോട് നേരിട്ട് സംസാരിക്കാൻ പലപ്പോഴും ശ്രമിച്ചെങ്കിലും സാധിച്ചില്ലെന്നും ആരതി വ്യക്തമാക്കി. വേർപിരിയാനുള്ള തീരുമാനം കുടുംബത്തിന്റെ ക്ഷേമത്തിനു വേണ്ടിയല്ലെന്നും അവർ കുറിച്ചു. ഈ പ്രഖ്യാപനത്തോടെ തന്നെയും കുട്ടികളെയും ഇരുട്ടിലാക്കിയിരിക്കുകയാണെന്നും ആരതി പറഞ്ഞു.

വേദനാജനകമായ ഈ അവസ്ഥയിൽ, പരസ്യമായി അഭിപ്രായം പറയുന്നതിൽ നിന്ന് വിട്ടുനിൽക്കാൻ ആഗ്രഹിക്കുന്നതായി ആരതി വ്യക്തമാക്കി. എന്നാൽ, തന്നെ കുറ്റപ്പെടുത്തുന്നതും പെരുമാറ്റത്തെ അപകീർത്തിപ്പെടുത്തുന്നതുമായ പരോക്ഷ ആക്രമണങ്ങളെ അഭിമുഖീകരിക്കേണ്ടതുണ്ടെന്നും അവർ കൂട്ടിച്ചേർത്തു. ഒരു അമ്മയെന്ന നിലയിൽ, കുട്ടികളുടെ ക്ഷേമവും ഭാവിയുമാണ് തന്റെ പ്രഥമ പരിഗണനയെന്നും അടിസ്ഥാനരഹിതമായ ആരോപണങ്ങൾ മക്കളെ വേദനിപ്പിക്കാൻ അനുവദിക്കില്ലെന്നും ആരതി വ്യക്തമാക്കി.