ISRO launches Probe-3 mission for ESA using PSLV C59

പി.എസ്.എല്.വി സി 59 റോക്കറ്റ് വഴി പ്രോബ 3 ദൗത്യം ഐഎസ്ആർഒ വിജയകരമായി വിക്ഷേപിച്ചു. വ്യാഴാഴ്ച വൈകീട്ട് 4.04 ന് ആന്ധ്രപ്രദേശിലെ ശ്രീഹരിക്കോട്ടയിലുള്ള സതീഷ് ധവാന് ബഹിരാകാശ കേന്ദ്രത്തില് നിന്നാണ് വിക്ഷേപണം നടന്നത്. യൂറോപ്യൻ ബഹിരാകാശ ഏജൻസിക്കു വേണ്ടിയുള്ള ഐഎസ്ആർഒയുടെ വാണിജ്യ ബഹിരാകാശ ദൗത്യമാണ് പ്രോബ-3. സാങ്കേതിക പ്രശ്നങ്ങൾ കാരണം ബുധനാഴ്ച നടത്താനിരുന്ന വിക്ഷേപണം വ്യാഴാഴ്ചയിലേക്ക് മാറ്റിവെച്ചിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കൊറോണഗ്രാഫ്, ഒക്യുല്റ്റര് എന്നീ രണ്ട് കൃത്രിമ ഉപഗ്രഹങ്ങളാണ് പ്രോബ-3 ദൗത്യത്തിന്റെ ഭാഗമായി വിക്ഷേപിച്ചത്. സൂര്യന്റെ അന്തരീക്ഷത്തിലെ ഏറ്റവും പുറമേയുള്ള കൊറോണ എന്ന പ്രഭാവലയത്തെക്കുറിച്ച് പഠിക്കാനുള്ള നൂതന ദൗത്യമാണിത്. യൂറോപ്യന് സ്പേസ് ഏജന്സി (ഇ.എസ്.എ.) നടത്തുന്ന ഇന് ഓര്ബിറ്റ് ഡെമോണ്സ്ട്രേഷന് (ഐ.ഒ.ഡി.) പദ്ധതിയുടെ ഭാഗമാണ് ഈ ദൗത്യം. 2001-ന് ശേഷം യൂറോപ്യന് സ്പേസ് ഏജന്സിയ്ക്ക് വേണ്ടി ഐഎസ്ആർഒ നടത്തുന്ന ആദ്യ വിക്ഷേപണമാണിത്.

550 കിലോഗ്രാം ഭാരമുള്ള ഉപഗ്രഹങ്ങളെ 60,000 കിലോമീറ്റര് വരെ ഉയരത്തിലുള്ള ഭ്രമണ പഥത്തിലാണ് എത്തിക്കുന്നത്. ഏകദേശം 1680 കോടി രൂപയാണ് ദൗത്യത്തിന്റെ ആകെ ചെലവ്. രണ്ട് വർഷമാണ് ദൗത്യത്തിന്റെ പ്രവർത്തന കാലാവധി. ഭൂമിയില്നിന്ന് കുറഞ്ഞത് 600 കിലോമീറ്ററും കൂടിയത് 60,530 കിലോമീറ്ററും അകലമുള്ള ദീര്ഘവൃത്താകൃതിയിലുള്ള ഭ്രമണപഥത്തിലാണ് ഉപഗ്രഹങ്ങൾ സ്ഥാപിക്കപ്പെടുക. ഈ ദൗത്യം വിജയകരമായി പൂർത്തിയാക്കുന്നതോടെ സൂര്യനെക്കുറിച്ചുള്ള നമ്മുടെ അറിവ് വർധിപ്പിക്കാനും, ബഹിരാകാശ സാങ്കേതികവിദ്യയിൽ ഇന്ത്യയുടെ കഴിവ് തെളിയിക്കാനും സാധിക്കും.

പഹൽഗാം ഭീകരാക്രമണം: പാകിസ്താൻ ബന്ധം സ്ഥിരീകരിച്ച് പോലീസ്

Story Highlights: ISRO successfully launches PSLV C59 carrying Probe-3 mission for European Space Agency, marking a significant milestone in space exploration and international collaboration.

ഐഎസ്ആർഒ മുൻ ചെയർമാൻ ഡോ. കെ. കസ്തൂരിരംഗൻ അന്തരിച്ചു