Israeli Ambassador to India: Ready for Ceasefire if Hamas Releases Hostages

ഇസ്രയേലും ഹമാസും തമ്മിലുള്ള സംഘർഷത്തിൽ പുതിയ വഴിത്തിരിവ് സൃഷ്ടിക്കുന്ന പ്രസ്താവനയുമായി ഇന്ത്യയിലെ ഇസ്രയേൽ അംബാസഡർ റൂവൻ അസർ രംഗത്തെത്തി. ഹമാസ് ബന്ദികളാക്കിയവരെ വിട്ടയച്ചാൽ വെടിനിർത്തലിന് തയ്യാറാകുമെന്ന് അദ്ദേഹം വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കഴിഞ്ഞ വർഷം ഒക്ടോബർ ഏഴിന് ബന്ദികളാക്കിയവരിൽ അവശേഷിക്കുന്നവരെ മോചിപ്പിക്കണമെന്നാണ് അസറിൻ്റെ ആവശ്യം. ദില്ലിയിൽ മാധ്യമപ്രവർത്തകരുമായി സംസാരിക്കവേയാണ് അംബാസഡർ ഈ നിലപാട് വ്യക്തമാക്കിയത്.

ഗാസയിൽ എപ്പോഴാണ് ഇസ്രയേൽ ആക്രമണം അവസാനിപ്പിക്കുകയെന്ന ചോദ്യത്തിന് മറുപടിയായാണ് അദ്ദേഹം ഇക്കാര്യം പറഞ്ഞത്. വെടിനിർത്തലിന് ഇസ്രയേൽ എപ്പോഴും തയ്യാറാണെന്നും ഹമാസും ആയുധം താഴെ വെക്കണമെന്നുമാണ് തങ്ങളുടെ നിലപാടെന്ന് അസർ വ്യക്തമാക്കി.

ബന്ദികളെ വിട്ടയച്ചാൽ സ്വീകരിക്കാൻ തയ്യാറായാണ് ഇസ്രയേൽ നിൽക്കുന്നതെന്ന് അംബാസഡർ പറഞ്ഞു. അനുകൂല തീരുമാനം ഹമാസ് അറിയിച്ചാൽ ഗാസയിൽ ആ നിമിഷം വെടിനിർത്തലിന് ഇസ്രയേൽ തയ്യാറാകുമെന്നും ഒരു സംശയവും അക്കാര്യത്തിൽ വേണ്ടെന്നും അദ്ദേഹം കൂട്ടിച്ചേർത്തു.

ഹമാസ് തലവൻ യഹ്യ സിൻവറിനെ കൊലപ്പെടുത്തിയ ശേഷവും ഇസ്രയേൽ ഗാസയിലും വെസ്റ്റ് ബാങ്കിലും ആക്രമണം തുടരുന്നതിനിടെയാണ് ഈ പ്രസ്താവന വന്നിരിക്കുന്നത്.

ഗാസയിൽ ഇസ്രായേൽ വ്യോമാക്രമണം: ഹമാസ് നേതാവ് ഉൾപ്പെടെ 19 പേർ കൊല്ലപ്പെട്ടു

Story Highlights: Israel ready for ceasefire if Hamas releases hostages, says Israeli envoy Reuven Azar

ഹമാസിനെതിരെ പ്രതിഷേധിച്ചവരെ വധിച്ചതായി റിപ്പോർട്ട്