Israel intensifies airstrikes in Lebanon, Hamas leader killed

ഇസ്രയേൽ ലബനനിലെ വ്യോമാക്രമണം കടുപ്പിച്ചിരിക്കുകയാണ്. വടക്കൻ ലബനനിലെ ട്രിപ്പോളിയിലുള്ള പലസ്തീൻ അഭയാർത്ഥി ക്യാമ്പിൽ നടന്ന മിസൈൽ ആക്രമണത്തിൽ ഹമാസ് സായുധ വിഭാഗം നേതാവ് സയീദ് അത്തല്ലയും അദ്ദേഹത്തിന്റെ മൂന്ന് കുടുംബാംഗങ്ងളും കൊല്ലപ്പെട്ടു. ബെയ്റൂത്തിന്റെ തെക്കൻ പ്രദേശങ്ങളിൽ തുടർച്ചയായ സ്ഫോടനങ്ങൾ റിപ്പോർട്ട് ചെയ്യപ്പെട്ടു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഗസയിലെ നുസ്രത്ത് അഭയാർത്ഥി ക്യാംപിലുണ്ടായ ഇസ്രയേൽ ആക്രമണത്തിൽ 7 പേർ കൊല്ലപ്പെട്ടു. ഇസ്രയേൽ ആക്രമണങ്ങളിൽ കൊല്ലപ്പെട്ടവരുടെ എണ്ണം 2000 കടന്നിരിക്കുന്നു. ലബനനിൽ ഒരു യുഎസ് പൗരൻ കൊല്ലപ്പെട്ടതായി അമേരിക്ക സ്ഥിരീകരിച്ചു.

സംഘർഷം രൂക്ഷമായതിനെത്തുടർന്ന് ഐക്യരാഷ്ട്ര സംഘടന സമാധാന സേനാംഗങ്ങൾ തെക്കൻ ലെബനനിൽ നിലയുറപ്പിച്ചു. സ്ഥിതിഗതികൾ ചർച്ചചെയ്യുന്നതിന് ഇറാൻ വിദേശകാര്യ മന്ത്രി അബ്ബാസ് അറാഖി സിറിയൻ തലസ്ഥാനമായ ഡമാസ്കസിൽ എത്തി. തെക്കൻ ഇസ്രായേലിലെ ഐൻ ഹാഷ്ലോഷയിലും കിസുഫിലും മുന്നറിയിപ്പ് സൈറൻ നൽകി.

ഇറാൻ പരമോന്നത നേതാവ് ആയത്തുല്ല അലി ഖാംനയിയുടെ പ്രഭാഷണത്തിന് പിന്നാലെ ഇറാൻ റോക്കറ്റ് ആക്രമണം നടത്തിയതിൽ പ്രകോപിതരായാണ് ഇസ്രായേൽ വ്യോമാക്രമണം വീണ്ടും കടുപ്പിച്ചത്. ആക്രമണങ്ങളിൽ നിന്ന് പിന്മാറില്ലെന്ന ഉറച്ച നിലപാടിലാണ് ഇറാൻ.

മ്യാൻമർ ഭൂകമ്പം: സഹായവുമായി ഇന്ത്യ

Story Highlights: Israel intensifies airstrikes in Lebanon, killing Hamas military commander and escalating regional tensions

ഹമാസിനെതിരെ പ്രതിഷേധിച്ചവരെ വധിച്ചതായി റിപ്പോർട്ട്