Israel-Hamas ceasefire takes effect today

ഇസ്രായേലും ഹമാസും തമ്മിലുള്ള വെടിനിർത്തൽ കരാർ ഇന്ന് ഉച്ചയ്ക്ക് 12 മണിയോടെ പ്രാബല്യത്തിൽ വരുമെന്ന് റിപ്പോർട്ട്. ഈജിപ്തിന്റെ മധ്യസ്ഥതയിൽ ഉരുക്കുവന്ന കരാർ പ്രകാരം ആദ്യഘട്ടത്തിൽ 1890 പലസ്തീൻ തടവുകാർക്ക് പകരമായി 33 ഇസ്രയേലി ബന്ദികളെ മോചിപ്പിക്കും.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മൂന്ന് വനിതാ ബന്ദികളെ ആദ്യം മോചിപ്പിക്കുമെന്ന് ഹമാസ് അറിയിച്ചു. എന്നാൽ ഇന്ന് മോചിപ്പിക്കുന്ന മൂന്ന് ബന്ദികൾ ആരൊക്കെയെന്ന് ഹമാസ് വെളിപ്പെടുത്തിയിട്ടില്ലെന്ന് ഇസ്രയേൽ പറഞ്ഞു.

വെടിനിർത്തൽ താൽക്കാലികമാണെന്നും ആവശ്യമെങ്കിൽ ഗസയിൽ യുദ്ധം പുനരാരംഭിക്കാൻ ഇസ്രയേലിന് അവകാശമുണ്ടെന്നും ഇസ്രയേൽ പ്രധാനമന്ത്രി ബെഞ്ചമിൻ നെതന്യാഹു മുന്നറിയിപ്പ് നൽകി. ഇസ്രായേൽ സമ്പൂർണ കാബിനറ്റും വെടിനിർത്തൽ കരാറിന് അംഗീകാരം നൽകിയിരുന്നു.

ആറാഴ്ച നീളുന്ന ആദ്യ ഘട്ടത്തിൽ 33 ബന്ദികളെ ഹമാസും ആയിരത്തോളം ഫലസ്തീൻ തടവുകാരെ ഇസ്രായേലും മോചിപ്പിക്കും. വെടിനിർത്തൽ കരാറുമായി ബന്ധപ്പെട്ട് ഇസ്രായേലിനുള്ളിലെ ഭിന്നതയും രൂക്ഷമാണ്.

ഹമാസിന് ഗുണം ചെയ്യുന്നതാണ് കരാറെന്ന് കുറ്റപ്പെടുത്തി മന്ത്രി ബെൻഗ്വിറിന്റെ ജൂത പവർ പാർട്ടി സർക്കാറിൽ നിന്ന് രാജി വെക്കുമെന്ന് പ്രഖ്യാപിച്ചു.

ബ്ലൂ ഒറിജിൻ ചരിത്രം കുറിച്ചു; വനിതകൾ മാത്രമുള്ള ആദ്യ ബഹിരാകാശ ദൗത്യം വിജയകരം

Story Highlights: Israel and Hamas agreed to a ceasefire, with the release of hostages and prisoners as a key component.

ഗാസയിലെ കുട്ടികൾക്കായി ഒരുക്കിയ കളിസ്ഥലം സന്ദർശിച്ച് രാഷ്ട്രത്തലവന്മാർ