Iranian poet Parnia Abbasi killed in Israeli airstrike in Tehran

ഇസ്രായേൽ വ്യോമാക്രമണത്തിൽ ഇറാനിയൻ കവയിത്രി കൊല്ലപ്പെട്ടു. ടെഹ്റാനിൽ ഇസ്രായേൽ നടത്തിയ ആക്രമണത്തിൽ ഇറാനിലെ യുവ കവയിത്രി പർണിയ അബ്ബാസി കൊല്ലപ്പെട്ടു. അവരുടെ വരികൾ പോലെ തന്നെയായിരുന്നു ആ വേർപാട്. സോഷ്യൽ മീഡിയയിൽ ആ വരികൾ വേദനയായി നിറയുകയാണ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇറാനിലെ ശ്രദ്ധേയരായ കവികളിൽ ഒരാളായിരുന്നു പർണിയ. സംഘർഷത്തെക്കുറിച്ചും സ്വാതന്ത്ര്യത്തെക്കുറിച്ചും അവരുടെ തൂലിക എപ്പോഴും ശബ്ദിച്ചു. കാസ്വിൻ ഇന്റർനാഷണൽ യൂണിവേഴ്സിറ്റിയിൽ നിന്ന് വിവർത്തന സാഹിത്യത്തിൽ ബിരുദം നേടിയിരുന്നു അവർ.

അധ്യാപികയായും ബാങ്ക് ജീവനക്കാരിയായും പർണിയ ജോലി ചെയ്തിട്ടുണ്ട്. ജീവിതാനുഭവങ്ങളുടെ പകർത്തിയെഴുത്താണ് കവിതയെന്ന് അവർ വിശ്വസിച്ചു. “എവിടെയോ നീയും ഞാനും അവസാനിക്കും / ലോകത്തെ ഏറ്റവും മനോഹരമായ കവിത നിശബ്ദമാകും / ഞാൻ ഒടുങ്ങും, കത്തി ജ്വലിക്കും, നേർത്ത പുക പോലെ / നിന്റെ ആകാശത്തെ കെട്ടുപോയ നക്ഷത്രമാകും” ഇതവരുടെ വരികളാണ്.

ഇരുപത്തിനാലാം പിറന്നാളിന് പത്തുനാൾ മുൻപായിരുന്നു ഇസ്രായേൽ മിസൈലുകൾ ആ ജീവനെടുത്തത്. ടെഹ്റാനിലുണ്ടായ ഈ ആക്രമണത്തിൽ പർണിയയുടെ അച്ഛനും അമ്മയും സഹോദരനും ഉൾപ്പെടെ എല്ലാവരും മരണപ്പെട്ടു. ഇറാനിലെ പുതുതലമുറ കവികളിൽ ശ്രദ്ധേയയായിരുന്നു പർണിയ അബ്ബാസി.

അവരുടെ ഓർമ്മകൾ സോഷ്യൽ മീഡിയയിൽ നിറയുകയാണ്. പർണിയയുടെ വരികൾക്ക് നിരവധി പേരാണ് ആദരാഞ്ജലികൾ അർപ്പിക്കുന്നത്.

അധ്യാപികയായും ബാങ്ക് ജീവനക്കാരിയായും ജോലി ചെയ്തുവരുകയായിരുന്നു അവർ. കാസ്വിൻ ഇന്റർനാഷണൽ യൂണിവേഴ്സിറ്റിയിൽ നിന്ന് വിവര്ത്തന സാഹിത്യത്തില് ബിരുദം നേടിയിരുന്നു. ജീവിതം കവിതയാണെന്ന് വിശ്വസിച്ച പർണിയയുടെ വരികൾ എന്നും ഓർമ്മിക്കപ്പെടും.

Story Highlights: ഇസ്രായേൽ വ്യോമാക്രമണത്തിൽ ഇറാനിയൻ കവയിത്രി പർണിയ അബ്ബാസി കൊല്ലപ്പെട്ടു.