മുംബൈ ക്രിക്കറ്റ് താരം ഇറാ ജാദവ് അണ്ടർ 19 ക്രിക്കറ്റിൽ ചരിത്രം സൃഷ്ടിച്ചു. മേഘാലയയ്ക്കെതിരായ അണ്ടർ 19 വനിതാ ഏകദിന മത്സരത്തിൽ ഇറാ ജാദവ് ഒരുപിടി റെക്കോർഡുകൾ സ്വന്തം പേരിൽ കുറിച്ചു. 157 പന്തിൽ നിന്ന് 346 റൺസാണ് ഈ പതിനാലുകാരി നേടിയത്.
42 ഫോറും 16 സിക്സറുകളും അടങ്ങുന്നതായിരുന്നു ഇറാ ജാദവിന്റെ ഇന്നിങ്സ്. ഇറാ ജാദവിന്റെ റെക്കോർഡ് ഇന്നിങ്സിന്റെ ബലത്തിൽ മൂന്ന് വിക്കറ്റ് നഷ്ടത്തിൽ 563 റൺസാണ് മുംബൈ നേടിയത്. അണ്ടർ 19 ക്രിക്കറ്റിൽ ഒരു ഇന്ത്യൻ താരത്തിന്റെ ഉയർന്ന സ്കോർ എന്ന റെക്കോർഡും ഇറാ ജാദവിന് സ്വന്തം പേരിൽ കുറിക്കാൻ സാധിച്ചു.
ഏകദിനത്തിൽ പല ടീമുകളുടെയും ആകെ സ്കോറിനേക്കാൾ വലുതാണ് ഈ വ്യക്തിഗത സ്കോർ എന്നതും ശ്രദ്ധേയമാണ്. മറുപടി ബാറ്റിങ്ങിനിറങ്ങിയ മേഘാലയ വെറും 19 റൺസിന് ഓൾ ഔട്ടായി. ഇതോടെ 544 റൺസിന്റെ കൂറ്റൻ ജയം മുംബൈ സ്വന്തമാക്കി.
വനിതാ ലിസ്റ്റ് എ ക്രിക്കറ്റിലെ ഏറ്റവും വലിയ ജയത്തിന്റെ ഇന്ത്യൻ റെക്കോർഡും മുംബൈയ്ക്ക് സ്വന്തമായി. മേഘാലയക്കെതിരായ മത്സരത്തിലാണ് ഈ നേട്ടം കൈവരിച്ചത്.
Story Highlights: 14-year-old Ira Jadhav scored a record-breaking 346 runs in an Under-19 women’s one-day match against Meghalaya.
