Injured Wild Elephant in Athirappilly Tranquilized and Treated

അതിരപ്പിള്ളിയിൽ മസ്തകത്തിൽ മുറിവേറ്റ നിലയിൽ കണ്ടെത്തിയ കാട്ടാനയ്ക്ക് മയക്കുവെടി നൽകി ചികിത്സ ആരംഭിച്ചു. കാട്ടാനക്കൂട്ടത്തിനൊപ്പം ഉണ്ടായിരുന്ന ആനയെ മാറ്റിയ ശേഷമാണ് മൂന്ന് തവണ മയക്കുവെടി വെച്ചത്. ഇതിൽ ഒരു തവണ ലക്ഷ്യം കണ്ടു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മയക്കുവെടിയേറ്റ ആന വനമേഖലയിലേക്ക് നീങ്ങിയതിനാൽ ദൗത്യസംഘം പിന്തുടരുകയാണ്. ഇല്ലിക്കാടിന് സമീപമെത്തിയപ്പോഴാണ് ആന മയങ്ങിയത്. ഡോ.

അരുൺ സക്കറിയയുടെ നേതൃത്വത്തിലുള്ള സംഘമാണ് ചികിത്സ നടത്തുന്നത്. രണ്ട് ദിവസം കാണാമറയത്തായിരുന്ന കാട്ടാനയെ ഇന്ന് രാവിലെയാണ് മൂന്ന് ആനകൾക്കൊപ്പം കണ്ടെത്തിയത്. ആന മയങ്ങിക്കഴിഞ്ഞാൽ വിശദമായ ചികിത്സ ആരംഭിക്കും.

ആനയുടെ മസ്തകത്തിലെ മുറിവ് എങ്ങനെയുണ്ടായി എന്ന് കണ്ടെത്തുന്നതിനായി മെറ്റൽ ഡിക്ടറ്റർ ഉപയോഗിച്ച് പരിശോധന നടത്തും. മുൻഭാഗത്തെ എയർസെല്ലുകൾക്ക് അണുബാധയേറ്റതായി വനം വകുപ്പ് അറിയിച്ചു. കുംകിയാനയുടെ പുറത്തിരുന്ന് ചികിത്സ നടത്താനായിരുന്നു ആദ്യ തീരുമാനം.

അതിരപ്പിള്ളിയിൽ കാട്ടാനാക്രമണം: യുവാവിന്റെ സംസ്കാരം നാളെ

പിന്നീട് വാഹനത്തിന്റെ പുറത്തിരുന്ന് ചികിത്സിക്കാൻ തീരുമാനിച്ചു. മസ്തകത്തിൽ എങ്ങനെയാണ് മുറിവേറ്റത് എന്നതിൽ വ്യക്തതയില്ല. ഏതെങ്കിലും തരത്തിലുള്ള ലോഹവസ്തു മസ്തകത്തിൽ ഉണ്ടോ എന്ന് പരിശോധിക്കും.

Story Highlights: An injured wild elephant in Athirappilly was tranquilized and treated.

അതിരപ്പിള്ളിയിൽ കാട്ടാനയുടെ ചവിട്ടേറ്റു മരിച്ച ആദിവാസി യുവാവിന്റെ പോസ്റ്റ്മോർട്ടം റിപ്പോർട്ട് പുറത്ത്