Indira Gandhi's 40th Death Anniversary: Remembering India's Iron Lady

ഇന്ത്യയുടെ ഉരുക്കുവനിത ഇന്ദിരാ ഗാന്ധിയുടെ 40-ാം ചരമവാർഷികമാണ് ഇന്ന്. സ്വന്തം വസതിയിൽ സുരക്ഷാ ഉദ്യോഗസ്ഥരുടെ വെടിയേറ്റാണ് അവർ രക്തസാക്ഷിത്വം വരിച്ചത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

1984 ഒക്ടോബർ 31-ന് രാവിലെ 9. 10-ന് ഡൽഹിയിലെ സഫ്ദർജംഗ് റോഡിലെ വസതിയിൽ നിന്ന് ഓഫീസിലേക്ക് പോകുമ്പോഴായിരുന്നു സംഭവം.

ഖലിസ്ഥാൻ വിഘടനവാദികളെ അടിച്ചമർത്താൻ സുവർണ ക്ഷേത്രത്തിലേക്ക് സൈന്യത്തെ അയച്ച തീരുമാനമാണ് അവരുടെ വിധി മാറ്റിമറിച്ചത്. ഇന്ത്യയുടെ ചരിത്രത്തിൽ ഇന്ദിരാ ഗാന്ധിയെപ്പോലെ ആരാധനയ്ക്കും വിമർശനത്തിനും പാത്രമായ മറ്റൊരു പ്രധാനമന്ത്രിയുണ്ടായിട്ടില്ല.

കേരളത്തിലെ ആദ്യ കമ്മ്യൂണിസ്റ്റ് മന്ത്രിസഭയെ പിരിച്ചുവിട്ടതു മുതൽ അടിയന്തരാവസ്ഥ പ്രഖ്യാപിച്ചതു വരെയുള്ള നടപടികൾ വിമർശനങ്ങൾക്ക് കാരണമായി. എന്നാൽ ബാങ്ക് ദേശസാൽക്കരണം, ഹരിത വിപ്ലവം, മതേതരത്വ സംരക്ഷണം, പരിസ്ഥിതി സൗഹൃദ നടപടികൾ തുടങ്ങിയവയിലൂടെ ഇന്ത്യൻ വികസന സങ്കൽപ്പങ്ങൾ തിരുത്തിയെഴുതിയ നേതാവായിരുന്നു അവർ.

പാകിസ്ഥാനുമായുള്ള യുദ്ധത്തിലൂടെ ബംഗ്ലാദേശിനെ സ്വതന്ത്രമാക്കിയപ്പോൾ എതിരാളികൾ പോലും അവരെ ‘ദുർഗ’ എന്ന് വിളിച്ചു. ചങ്കുറപ്പിന്റെ മറുവാക്കായി ഇന്ത്യൻ രാഷ്ട്രീയത്തിൽ നിലകൊണ്ട ഇന്ദിരാ ഗാന്ധിയുടെ പെൺകരുത്ത് 40 വർഷങ്ങൾക്കു ശേഷവും ഇന്ത്യൻ ജനതയുടെ ഹൃദയങ്ങളിൽ ജ്വലിച്ചു നിൽക്കുന്നു.

സിപിഐഎം പൂണിത്തുറ ലോക്കൽ കമ്മിറ്റി പുനഃസംഘടിപ്പിച്ചു; സി കെ മണി ശങ്കർ സെക്രട്ടറിയാകും

Story Highlights: Remembering Indira Gandhi on her 40th death anniversary, India’s Iron Lady assassinated by her own security guards

പൗരത്വത്തിന് മുൻപേ സോണിയ ഗാന്ധിക്ക് വോട്ട്? ബിജെപി ആരോപണം കടുക്കുന്നു