India thrashes Zimbabwe in T20: Abhishek Sharma's explosive century

സിംബാബ്വെക്കെതിരായ രണ്ടാം ടി20 മത്സരത്തില് ഇന്ത്യന് യുവനിര 100 റണ്സിന്റെ മിന്നുന്ന ജയം സ്വന്തമാക്കി. ആദ്യം ബാറ്റ് ചെയ്ത ഇന്ത്യ 235 റണ്സെന്ന കൂറ്റന് വിജയലക്ഷ്യം ഉയര്ത്തി. എന്നാല് സിംബാബ്വെക്ക് 134 റണ്സില് കളി അവസാനിപ്പിക്കേണ്ടി വന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ആദ്യ മത്സരത്തിലെ 13 റണ്സിന്റെ തോല്വിക്ക് ഇത്രയും കനപ്പിച്ചുള്ള മറുപടി കിട്ടുമെന്ന് സിംബാബ്വെ കരുതിക്കാണില്ല. അഭിഷേക് ശര്മയായിരുന്നു രണ്ടാം മത്സരത്തിലെ താരം. 33 പന്തില് അര്ധ സെഞ്ചറിയിലെത്തിയ അഭിഷേകിന് 100 തികക്കാന് പിന്നീട് വേണ്ടിവന്നത് കേവലം 13 പന്തുകള് മാത്രം.

വ്യക്തിഗത സ്കോര് 82ല് നില്ക്കെ തുടരെ മൂന്ന് സിക്സറുകള് പായിച്ചാണ് അഭിഷേക് കന്നി സെഞ്ച്വറി നേടിയത്. ഏഴ് ഫോറും എട്ട് സിക്സും അടങ്ങുന്നതായിരുന്നു അഭിഷേകിന്റെ ഇന്നിങ്സ്. രാജ്യാന്തര ടി20യില് ഏറ്റവും വേഗത്തില് സെഞ്ചറി നേടുന്ന ഇന്ത്യന് താരമെന്ന നേട്ടം ഈ മത്സരത്തോടെ അഭിഷേക് സ്വന്തം പേരിലാക്കി.

കേരളത്തിൽ സ്വർണവിലയിൽ നേരിയ ഇടിവ്

മത്സരത്തില് താന് ഉപയോഗിച്ചത് സ്വന്തം ബാറ്റല്ലെന്ന് അഭിഷേക് വെളിപ്പെടുത്തി. ടീം ഇന്ത്യയുടെ ക്യാപ്റ്റന് ശുഭ്മന് ഗില്ലിന്റെ ബാറ്റ് ഉപയോഗിച്ചാണ് സിംബാബ്വെക്കെതിരെ താരം സെഞ്ച്വറി നേടിയത്. ഇന്ത്യയുടെ ആദ്യജയത്തോടെ പരമ്പര 1-1 എന്ന നിലയിലാണ്.

മലയാളി താരം സഞ്ജു സാംസണ് ഉള്പ്പെടെ ടീമിലിടം കണ്ടെത്തുമോ എന്നതാണ് ആരാധകര് ഉറ്റുനോക്കുന്നത്.

ഐക്യു Z10 സീരീസ് ഇന്ത്യയിൽ ലോഞ്ച് ചെയ്തു