India beats Sri Lanka in rain-affected T20 match, leads series 2-0

മഴ കാരണം ഡക്ക്വര്ത്ത് ലൂയിസ് നിയമപ്രകാരം ഓവര് വെട്ടിക്കുറച്ച മത്സരത്തില് ഇന്ത്യ ശ്രീലങ്കയെ തോല്പ്പിച്ചു. പരമ്പരയിലെ രണ്ടാം ജയമാണ് ഇന്ത്യ നേടിയത്. ടോസ് നഷ്ടപ്പെട്ട് ആദ്യം ബാറ്റ് ചെയ്ത ശ്രീലങ്ക 20 ഓവറില് 9 വിക്കറ്റ് നഷ്ടത്തില് 161 റണ്സ് നേടി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കുഷാല് പെരേരയുടെ അര്ധ സെഞ്ചുറിയും പത്തും നിസ്സങ്കയുടെ മികച്ച പ്രകടനവുമാണ് ലങ്കയ്ക്ക് നല്ല സ്കോര് സമ്മാനിച്ചത്. മറുപടി ബാറ്റിങ്ങിനിറങ്ങിയ ഇന്ത്യയുടെ ഇന്നിങ്സ് ആരംഭിച്ച് അല്പ സമയത്തിനുള്ളില് മഴ വീണ്ടും എത്തി. ഇതോടെ ഓവര് പുനര്നിശ്ചയിച്ചു.

8 ഓവറില് 78 റണ്സ് എന്ന ലക്ഷ്യം ഇന്ത്യ 6. 3 ഓവറില് തന്നെ 3 വിക്കറ്റ് നഷ്ടത്തില് മറികടന്നു. യശസ്വി ജയ്സ്വാളിന്റെ മികച്ച പ്രകടനമാണ് ഇന്ത്യയുടെ വിജയത്തിന് വഴിയൊരുക്കിയത്.

15 പന്തില് നിന്ന് 2 സിക്സും 3 ഫോറും ഉള്പ്പെടെ 30 റണ്സ് അദ്ദേഹം നേടി. ഇന്ത്യക്കായി രവി ബിഷ്ണോയ് മൂന്നും ഹര്ദിക പാണ്ഡ്യ രണ്ടും വിക്കറ്റുകള് വീഴ്ത്തി. അര്ഷ്ദീപ് സിങ്ങും അക്ഷര് പട്ടേലും രണ്ട് വിക്കറ്റ് വീതം നേടി.

ഓപ്പറേഷൻ സിന്ദൂർ: പാകിസ്താനെതിരെ ഇന്ത്യ ബ്രഹ്മോസ് മിസൈലുകൾ ഉപയോഗിച്ചെന്ന് റിപ്പോർട്ട്

ശ്രീലങ്കയ്ക്കായി തീക്ഷണ, ഹസരങ്ക, മതീഷ പതിരണ എന്നിവര് ഓരോ വിക്കറ്റ് വീതം വീഴ്ത്തി. മലയാളി താരം സഞ്ജു സാംസണ് നേരിട്ട ആദ്യ പന്തില് തന്നെ പുറത്തായി നിരാശപ്പെടുത്തി.

ഇടക്കൊച്ചി ക്രിക്കറ്റ് ടർഫിൽ കൂട്ടത്തല്ല്; 5 പേർക്ക് പരിക്ക്, പോലീസ് അന്വേഷണം ആരംഭിച്ചു