India's T20 Squad Announced for England Series, Suryakumar to Lead

ഇംഗ്ലണ്ടിനെതിരായ അഞ്ച് മത്സരങ്ങളുടെ ട്വന്റി 20 പരമ്പരയ്ക്കുള്ള ഇന്ത്യൻ ടീമിനെ പ്രഖ്യാപിച്ചു. 2023 നവംബറിലെ ഏകദിന ലോകകപ്പിന് ശേഷം മുഹമ്മദ് ഷമി ഇന്ത്യൻ ടീമിലേക്ക് തിരിച്ചെത്തിയിരിക്കുന്നു. ട്വന്റി 20 പരമ്പരയിലെ മികച്ച പ്രകടനം ഫെബ്രുവരി രണ്ടിന് ആരംഭിക്കുന്ന മൂന്ന് മത്സരങ്ങളുടെ ഏകദിന പരമ്പരയിലേക്കുള്ള ടീമിൽ ഇടം നേടാൻ താരങ്ങൾക്ക് സഹായകമാകും. മലയാളി താരം സഞ്ജു സാംസണും ടീമിലുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ജനുവരി 22 മുതലാണ് അഞ്ച് മത്സരങ്ങളുടെ ട്വന്റി 20 പരമ്പര ആരംഭിക്കുന്നത്. സൂര്യകുമാർ യാദവാണ് ടീമിനെ നയിക്കുക. അക്ഷര് പട്ടേൽ വൈസ് ക്യാപ്റ്റനായും ടീമിലുണ്ട്. മുൻ പരമ്പരകളിലേതുപോലെ സഞ്ജു സാംസണും അഭിഷേക് ശർമ്മയും ചേർന്നാകും ഇന്ത്യയുടെ ഓപ്പണിങ് സഖ്യം.

ബോർഡർ-ഗാവസ്കർ ട്രോഫിയിലെ മികച്ച പ്രകടനത്തിന് ശേഷം നിതീഷ് റെഡ്ഡിയും ടീമിൽ ഇടം നേടി. ഋഷഭ് പന്ത് ടീമിലില്ല. ഹാർദിക് പാണ്ഡ്യ, തിലക് വർമ, റിങ്കു സിങ് തുടങ്ങിയ പ്രമുഖ താരങ്ങളും ടീമിലുണ്ട്. ഇന്ത്യൻ ബൗളിങ്ങിന് കൂടുതൽ കരുത്തു പകരാൻ മുഹമ്മദ് ഷമിയുടെ തിരിച്ചുവരവ് സഹായിക്കും.

ഐക്യു Z10 സീരീസ് ഇന്ത്യയിൽ ലോഞ്ച് ചെയ്തു

ഇംഗ്ലണ്ടിനെതിരായ ട്വന്റി 20 പരമ്പരയ്ക്കുള്ള ഇന്ത്യൻ ടീം ഇപ്രകാരമാണ്: സൂര്യകുമാർ യാദവ് (ക്യാപ്റ്റൻ), സഞ്ജു സാംസൺ (വിക്കറ്റ് കീപ്പർ), അഭിഷേക് ശർമ, തിലക് വർമ, ഹാർദിക് പാണ്ഡ്യ, റിങ്കു സിങ്, നിതീഷ് കുമാർ റെഡ്ഡി, അക്സർ പട്ടേൽ (വൈസ് ക്യാപ്റ്റൻ), ഹർഷിത് റാണ, അർഷ്ദീപ് സിങ്, മുഹമ്മദ് ഷമി, വരുൺ ചക്രവർത്തി, രവി ബിഷ്ണോയ്, വാഷിങ്ടൺ സുന്ദർ, ധ്രുവ് ജുറേൽ (വിക്കറ്റ് കീപ്പർ). ടീമിലെ യുവതാരങ്ങളുടെ പ്രകടനം ഏവരും ഉറ്റുനോക്കുന്ന ഒന്നാണ്.

ALSO READ;

ഐക്യു Z10 സീരീസ് ഇന്ത്യയിൽ ലോഞ്ച് ചെയ്തു