India gains 46-run lead against Australia in Border-Gavaskar Trophy

ബോർഡർ-ഗാവസ്കർ ട്രോഫി ടെസ്റ്റ് ക്രിക്കറ്റിലെ ആദ്യ മത്സരത്തിൽ ഇന്ത്യ ഓസ്ട്രേലിയക്കെതിരെ 46 റൺസിന്റെ ഒന്നാം ഇന്നിംഗ്സ് ലീഡ് നേടി. ടോസ് നേടിയ ഇന്ത്യൻ ക്യാപ്റ്റൻ ബൂമ്ര ബാറ്റിംഗ് തിരഞ്ഞെടുത്തു. ആദ്യം ബാറ്റ് ചെയ്ത ഇന്ത്യ 150 റൺസിന് ഓൾ ഔട്ടായി. അരങ്ങേറ്റ താരം നിതീഷ് കുമാർ റെഡ്ഡി 59 പന്തിൽ 41 റൺസും ഋഷഭ് പന്ത് 78 പന്തിൽ 37 റൺസും നേടി ഇന്ത്യയ്ക്കായി പിടിച്ചുനിന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മറുപടി ബാറ്റിംഗിനിറങ്ങിയ ഓസ്ട്രേലിയ 104 റൺസിന് പുറത്തായി. ഇന്ത്യൻ പേസ് ആക്രമണത്തിൽ ഓസീസ് ബാറ്റിംഗ് നിര തകർന്നടിഞ്ഞു. ക്യാപ്റ്റൻ ബൂമ്ര 18 ഓവറിൽ 30 റൺസ് വഴങ്ങി അഞ്ച് വിക്കറ്റ് നേടി. അരങ്ങേറ്റ താരം ഹർഷിത് റാണ മൂന്ന് വിക്കറ്റ് വീഴ്ത്തി. ആകെ 51 ഓവറിൽ 18 ഓവറും മെയ്ഡനായിരുന്നു.

ഓസ്ട്രേലിയൻ നിരയിൽ മിച്ചൽ സ്റ്റാർക്ക് മാത്രമാണ് പിടിച്ചുനിന്നത്. 112 പന്തിൽ 26 റൺസ് നേടിയ സ്റ്റാർക്കാണ് ഓസ്ട്രേലിയൻ നിരയിലെ ടോപ് സ്കോറർ. 79-ൽ ഒൻപത് വിക്കറ്റ് നഷ്ടപ്പെട്ട നിലയിൽ നിന്ന് പത്താം വിക്കറ്റിൽ മിച്ചൽ സ്റ്റാർക്കും ജോഷ് ഹേസൽവുഡും ചേർന്ന് ഓസ്ട്രേലിയയെ 100 കടത്തി. ഓസ്ട്രേലിയക്കായി ഹാസിൽവുഡ് നാലും മിച്ചൽ സ്റ്റാർക്ക്, മിച്ചൽ മാർഷ്, കമ്മിൻസ് എന്നിവർ രണ്ട് വീതവും വിക്കറ്റ് വീഴ്ത്തി.

കായിക ഉച്ചകോടി വാർത്തകൾ വാസ്തവവിരുദ്ധം: മന്ത്രി വി. അബ്ദുറഹ്മാൻ

Story Highlights: India gains 46-run first innings lead against Australia in Border-Gavaskar Trophy Test cricket match

അണ്ടർ 19 ലോകകപ്പ്: യോഗ്യത നേടിയ ടീമുകൾ ഇവയാണ്