India Ends Automatic Promotion in Schools: New Education Policy

വിദ്യാഭ്യാസ രംഗത്ത് വലിയ മാറ്റങ്ങൾക്ക് വഴിയൊരുക്കുന്ന നിയമഭേദഗതി കേന്ദ്രസർക്കാർ കൊണ്ടുവന്നിരിക്കുകയാണ്. ഒന്നു മുതൽ എട്ടുവരെ ക്ലാസുകളിലെ വിദ്യാർഥികളെ പരീക്ഷയിൽ പരാജയപ്പെടുത്താനോ സ്കൂളിൽ നിന്ന് പുറത്താക്കാനോ ഇനി സാധിക്കില്ല. എന്നാൽ പരീക്ഷകളിൽ വിജയിക്കാത്ത കുട്ടികൾക്ക് അതേ ക്ലാസിൽ തുടരേണ്ടി വരും. ഇതോടെ ‘ആൾ പാസ്’ പോലുള്ള രീതികൾക്ക് അന്ത്യം കുറിക്കുകയാണ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

2010-ലെ വിദ്യാഭ്യാസ അവകാശ നിയമത്തിലാണ് കേന്ദ്രസർക്കാർ ഭേദഗതി വരുത്തിയിരിക്കുന്നത്. ഇതനുസരിച്ച്, അഞ്ചാം ക്ലാസിലും എട്ടാം ക്ലാസിലും പതിവായി പരീക്ഷകൾ നടത്താനുള്ള അധികാരം സംസ്ഥാന സർക്കാരുകൾക്കായിരിക്കും. ഈ പരീക്ഷകളിൽ പരാജയപ്പെടുന്ന വിദ്യാർഥികൾക്ക് രണ്ട് മാസത്തിനുശേഷം വീണ്ടും അവസരം ലഭിക്കും. എന്നാൽ രണ്ടാം അവസരത്തിലും വിജയിക്കാൻ കഴിയാത്തവർ അതേ ക്ലാസിൽ തുടരേണ്ടി വരും.

ഈ നിയമഭേദഗതിക്കെതിരെ കേരളം ശക്തമായ എതിർപ്പ് പ്രകടിപ്പിച്ചിട്ടുണ്ട്. ഇത് വിദ്യാർഥികളുടെ മാനസിക സമ്മർദ്ദം വർധിപ്പിക്കുമെന്നാണ് സംസ്ഥാനത്തിന്റെ വാദം. പകരം, നിരന്തര മൂല്യനിർണയം മെച്ചപ്പെടുത്തുന്നതിലൂടെ വിദ്യാർഥികളുടെ അറിവ് വർധിപ്പിക്കാമെന്നാണ് കേരളം മുന്നോട്ടുവയ്ക്കുന്ന നിലപാട്. ഈ നിയമഭേദഗതി വിദ്യാഭ്യാസ രംഗത്ത് എത്രത്തോളം മാറ്റങ്ങൾ കൊണ്ടുവരുമെന്നത് കാത്തിരുന്ന് കാണേണ്ടിയിരിക്കുന്നു.