Rajinikanth shares funny stories about Ilayaraja in Chennai event

ചെന്നൈ◾: തമിഴ് സിനിമാ സംഗീത ഇതിഹാസമായ ഇളയരാജയുടെ സംഗീത ജീവിതത്തിന് 50 വർഷം പൂർത്തിയായ വേളയിൽ ചെന്നൈയിൽ അദ്ദേഹത്തെ ആദരിക്കുന്നതിനായി സംഘടിപ്പിച്ച പരിപാടിയിൽ രജനികാന്ത് പങ്കുവെച്ച ഒരു തമാശയാണ് ഇപ്പോൾ സാമൂഹ്യ മാധ്യമങ്ങളിൽ ശ്രദ്ധ നേടുന്നത്. ഇളയരാജ സംഗീത ജീവിതത്തിൽ നിരവധി ഗാനങ്ങൾക്ക് ജീവൻ നൽകിയിട്ടുണ്ട്. അദ്ദേഹത്തിന്റെ പാട്ടുകൾ ഇന്നും സംഗീത ആസ്വാദകരുടെ പ്ലേയ്ലിസ്റ്റുകളിൽ ഇടം നേടാറുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

‘ജോണി’ എന്ന സിനിമയുടെ ഷൂട്ടിംഗ് വേളയിൽ സംവിധായകൻ മഹേന്ദ്രനും ഇളയരാജയും രജനികാന്തും ഒരുമിച്ചിരുന്ന് മദ്യപിച്ച സംഭവം രസകരമായ രീതിയിൽ രജനികാന്ത് ഓർത്തെടുത്തു. ഇളയരാജ ആ കാര്യങ്ങൾ വേദിയിൽ സൂചിപ്പിച്ചപ്പോൾ, അതിനെ പൂർത്തിയാക്കിയത് രജനികാന്ത് ആയിരുന്നു.

പരിപാടിക്ക് രണ്ട് ദിവസം മുൻപ് രജനീകാന്ത് തന്നെ വിളിച്ചിരുന്നു എന്ന് ഇളയരാജ പറഞ്ഞു. പഴയ കാര്യങ്ങൾ എല്ലാം പരിപാടിയിൽ താൻ വെളിപ്പെടുത്തുമെന്നും രജനികാന്ത് പറഞ്ഞതായി അദ്ദേഹം കൂട്ടിച്ചേർത്തു. ഒരിക്കൽ ഇരുവരും മദ്യപിച്ചപ്പോൾ താൻ എന്തൊക്കെയാണ് ചെയ്തതെന്ന് ഓർമ്മയുണ്ടോ എന്ന് രജനികാന്ത് ചോദിച്ചതായും ഇളയരാജ വെളിപ്പെടുത്തി.

അരക്കുപ്പി ബിയർ കഴിച്ച ശേഷം താൻ അവിടെ നൃത്തം ചെയ്ത കാര്യമാണ് രജനികാന്ത് ഓർമ്മിപ്പിച്ചത് എന്ന് ഇളയരാജ തമാശരൂപേണെ വേദിയിൽ പറഞ്ഞു. ഇളയരാജ സംസാരിക്കുന്നതിനിടെ രജനികാന്ത് മൈക്കിനടുത്തേക്ക് വന്നതോടെ സദസ്സ് ഒന്നടങ്കം കൈയ്യടികളോടെയാണ് സ്വീകരിച്ചത്.

അരക്കുപ്പി ബിയർ കഴിച്ച ഇളയരാജ ചെയ്ത കാര്യങ്ങൾക്കൊന്നും മറക്കാൻ കഴിയില്ലെന്ന് രജനികാന്ത് തമാശ രൂപേണെ പറഞ്ഞു. രാവിലെ മൂന്ന് മണി വരെ അദ്ദേഹം അവിടെ നിന്ന് നൃത്തം ചെയ്തു. സിനിമയിലെ പാട്ടിനെക്കുറിച്ച് മഹേന്ദ്രൻ ചോദിക്കുമ്പോൾ അതൊക്കെ വിട് എന്ന് പറഞ്ഞ് നടിമാരെക്കുറിച്ച് ഗോസിപ്പ് പറയുമെന്നും രജനികാന്ത് കൂട്ടിച്ചേർത്തു.

അവസരം കിട്ടിയപ്പോൾ രജനികാന്ത് ഇല്ലാത്ത കാര്യങ്ങൾ കൂട്ടിച്ചേർത്തു എന്നായിരുന്നു ഇതിനോടുള്ള ഇളയരാജയുടെ മറുപടി. ഇരുവരും തമ്മിൽ വളരെ അടുത്ത സൗഹൃദമാണ് ഉള്ളതെന്നും ആരാധകർ അഭിപ്രായപ്പെടുന്നു.

Story Highlights: Rajinikanth shared a funny incident about Ilayaraja at an event organized in Chennai to honor Ilayaraja’s 50 years in the music industry.

പാട്ട് വിവാദം: ഇളയരാജയ്ക്ക് 50 ലക്ഷം രൂപ നൽകി ഒത്തുതീർപ്പ്