**കോഴിക്കോട്◾:** കേരള സംസ്ഥാന ചലച്ചിത്ര അക്കാദമി സംഘടിപ്പിക്കുന്ന മേഖലാ രാജ്യാന്തര ചലച്ചിത്രോത്സവം വെള്ളിയാഴ്ച (08) കോഴിക്കോട് കൈരളി ശ്രീ, കോർണേഷൻ തീയറ്ററുകളിൽ ആരംഭിക്കും. നാല് ദിവസങ്ങളിലായി നടക്കുന്ന മേളയിൽ ലോക സിനിമയിലെ പുതിയ ട്രെൻഡുകൾ ഉൾപ്പെടെ 58 സിനിമകൾ പ്രദർശിപ്പിക്കും. ഡെലിഗേറ്റ് രജിസ്ട്രേഷനും വിതരണവും പൂർത്തിയായിട്ടുണ്ട്.
മേളയുടെ ഭാഗമായി ‘കാലം മായാചിത്രങ്ങൾ എം.ടി.യുടെ ചലച്ചിത്ര ജീവിതം’ എന്ന പേരിൽ ഒരുക്കുന്ന എക്സിബിഷൻ വൈകിട്ട് 4.30-ന് കൈരളി തിയേറ്റർ അങ്കണത്തിൽ ആരംഭിക്കും. കലാമണ്ഡലം സരസ്വതിയും നർത്തകി അശ്വതിയും ചേർന്ന് എക്സിബിഷൻ ഉദ്ഘാടനം ചെയ്യും. ചടങ്ങിൽ നിരൂപകൻ ഡോ. എം.എം. ബഷീർ, നടി കുട്ട്യേട്ടത്തി വിലാസിനി, ഷെർഗ സന്ദീപ് തുടങ്ങിയവർ പങ്കെടുക്കും.
മേളയിലെ ആദ്യ ഡെലിഗേറ്റായി നടി ആര്യ സലീം എത്തും. നാളെ (07) കൈരളി തിയേറ്റർ അങ്കണത്തിൽ നടക്കുന്ന ഡെലിഗേറ്റ് കിറ്റ് വിതരണോദ്ഘാടനം ഗാനരചയിതാവ് കൈതപ്രം ദാമോദരൻ നമ്പൂതിരി നിർവഹിക്കും. ജില്ലാ പഞ്ചായത്ത് പ്രസിഡന്റ് ഷീജ ശശി അധ്യക്ഷത വഹിക്കുന്ന ചടങ്ങിൽ നടൻ മുഹമ്മദ് മുസ്തഫ, ആർ.എസ്. പണിക്കർ, അപ്പുണ്ണി ശശി, കെ.ടി.ഐ.എൽ. ചെയർമാൻ എസ്.കെ. സജീഷ്, ചലച്ചിത്രോത്സവ സംഘാടക സമിതി ഭാരവാഹികൾ തുടങ്ങിയവർ പങ്കെടുക്കും.
2018-നു ശേഷം കോഴിക്കോട്ടെത്തുന്ന മേളയിൽ ലോക സിനിമയുടെ സമകാലിക കാഴ്ചകൾ അടങ്ങിയ 58 സിനിമകൾ പ്രദർശിപ്പിക്കും. ഇറാനിയൻ സംവിധായകൻ മുഹമ്മദ് റസൂലോഫിൻ്റെ ‘സീഡ് ഓഫ് എ സേക്രഡ് ഫിഗ്’ ആണ് ഉദ്ഘാടന ചിത്രം. 2024 ഡിസംബറിൽ തിരുവനന്തപുരത്ത് നടന്ന 28-ാമത് ഐ.എഫ്.എഫ്.കെ.യിൽ പ്രദർശിപ്പിച്ച ചിത്രങ്ങളിൽ നിന്ന് തിരഞ്ഞെടുത്ത മികച്ച സിനിമകളാണ് ഇവിടെ പ്രദർശിപ്പിക്കുന്നത്.
ഓരോ ദിവസവും അഞ്ച് സിനിമകൾ വീതം പ്രദർശിപ്പിക്കും. ലോക സിനിമാ വിഭാഗത്തിൽ 14 സിനിമകളും ഇന്ത്യൻ സിനിമാ വിഭാഗത്തിൽ ഏഴ് സിനിമകളും മലയാളം സിനിമാ വിഭാഗത്തിൽ 11 സിനിമകളും ഉണ്ടായിരിക്കും. അന്താരാഷ്ട്ര മത്സരവിഭാഗത്തിൽ പ്രദർശിപ്പിച്ച 14 ചിത്രങ്ങളും മേളയിൽ ഉൾപ്പെടുത്തിയിട്ടുണ്ട്.
കൂടാതെ, കാലിഡോസ്കോപ്പ് വിഭാഗത്തിൽ മലയാളം, ആസ്സാമീസ് ഭാഷകളിൽ നിന്ന് ഓരോ സിനിമ വീതവും ഫീമെയിൽ ഗെയ്സ് വിഭാഗത്തിൽ മൂന്ന് സിനിമകളും ഫെസ്റ്റിവൽ ഫേവറിറ്റ്സ് വിഭാഗത്തിൽ അഞ്ച് സിനിമകളും പ്രദർശിപ്പിക്കും. ഇതിനു പുറമെ, നടി ശബാന ആസ്മിയോടുള്ള ആദരസൂചകമായി ‘അങ്കുർ’ എന്ന സിനിമയും പ്രദർശിപ്പിക്കുന്നതാണ്. വിവിധ വിഷയങ്ങളിൽ വിദഗ്ധർ പങ്കെടുക്കുന്ന ഓപ്പൺ ഫോറവും മേളയുടെ ഭാഗമായി സംഘടിപ്പിക്കും. രജിസ്റ്റർ ചെയ്ത ഡെലിഗേറ്റുകൾക്ക് മാത്രമേ തീയേറ്ററുകളിലേക്ക് പ്രവേശനം അനുവദിക്കുകയുള്ളൂ.
ഐ.എഫ്.എഫ്.കെ. വെബ്സൈറ്റിലെ ഓൺലൈൻ രജിസ്ട്രേഷൻ ലിങ്ക് വഴിയും കൈരളിയിൽ ഒരുക്കിയ ഡെലിഗേറ്റ് സെൽ വഴിയുമാണ് ഡെലിഗേറ്റ് രജിസ്ട്രേഷൻ പൂർത്തിയാക്കിയത്.
Story Highlights: കോഴിക്കോട് മേഖലാ രാജ്യാന്തര ചലച്ചിത്രോത്സവം വെള്ളിയാഴ്ച ആരംഭിക്കും; 58 സിനിമകൾ പ്രദർശിപ്പിക്കും.
തിരുവനന്തപുരം ജവഹർ നഗറിലെ ഭൂമി തട്ടിപ്പ് കേസിൽ കോൺഗ്രസ് നേതാവ് അനന്തപുരി മണികണ്ഠന്റെ Read more
കൊലക്കേസ് പ്രതികളെ കോടതിയിൽ ഹാജരാക്കിയപ്പോൾ വീഡിയോ പകർത്തി സാമൂഹ്യ മാധ്യമങ്ങളിൽ പ്രചരിപ്പിച്ച കേസിൽ Read more
അമേരിക്കൻ ഉൽപന്നങ്ങൾക്ക് 50% വരെ തീരുവ ചുമത്തിയ ട്രംപിന്റെ നടപടിക്കെതിരെ സിപിഐഎം പ്രതിഷേധിക്കും. Read more
ചേർത്തല പള്ളിപ്പുറത്ത് മൂന്ന് സ്ത്രീകളെ കാണാതായ കേസിൽ സെബാസ്റ്റ്യനാണ് പ്രതിയെന്ന് സംശയം. ബിന്ദു Read more
മുണ്ടക്കൈ ചൂരൽമലയിലെ ദുരന്തബാധിതർക്കായുള്ള വീട് നിർമ്മാണത്തിൽ മുസ്ലീം ലീഗ് വലിയ തട്ടിപ്പ് നടത്തിയെന്ന് Read more
തിരുവനന്തപുരം ചെമ്പഴന്തിയിൽ മധ്യവയസ്കന് യുവാക്കളുടെ ക്രൂര മർദ്ദനം. സംഭവത്തിൽ നാല് പേരടങ്ങുന്ന മദ്യപസംഘമാണ് Read more
കൊച്ചി വടക്കേക്കോട്ട മെട്രോ സ്റ്റേഷനിൽ യുവാവ് ട്രാക്കിൽ നിന്ന് ചാടി ആത്മഹത്യക്ക് ശ്രമിച്ചു. Read more
നാടക രംഗത്തെ സമഗ്ര സംഭാവനയ്ക്കുള്ള ഒ. മാധവൻ അവാർഡുകൾ പ്രഖ്യാപിച്ചു. നാടക രചന Read more
തൃശ്ശൂരിൽ ഗ്യാസ് അടുപ്പിൽ നിന്ന് തീ പടർന്ന് അമ്മയ്ക്കും മകൾക്കും പൊള്ളലേറ്റു. പഴയന്നൂർ Read more
അശ്ലീല സിനിമയിൽ അഭിനയിച്ചെന്ന കേസ് റദ്ദാക്കണമെന്ന് ആവശ്യപ്പെട്ട് നടി ശ്വേതാ മേനോൻ ഹൈക്കോടതിയെ Read more
Related posts:
കലാഭവൻ നവാസിൻ്റെ ഓർമ്മയിൽ ജയറാം; വേദനിക്കുന്ന വേർപാട് എന്ന് സോഷ്യൽ മീഡിയ പോസ്റ്റ്
ഭൂമിയിലെ ഏറ്റവും ഉയരംകൂടിയ പക്ഷിയെ പുനഃസൃഷ്ടിക്കാൻ കൊളോസൽ ബയോസയൻസ്
നിരോധിച്ച ഒടിടി പ്ലാറ്റ്ഫോമുമായി ബന്ധമില്ലെന്ന് ഏക്താ കപൂർ
ഭാര്യയ്ക്കൊപ്പം റൊമാൻസുമായി കലാഭവൻ ഷാജോൺ; വീഡിയോ വൈറൽ
യൂട്യൂബ് അവതാരകരുടെ ചോദ്യങ്ങളെ വിമർശിച്ച് ജുവൽ മേരി
റൊണാൾഡോയെയും ഹാർദിക്കിനെയും മറികടന്ന് ദീപിക; ഇൻസ്റ്റഗ്രാമിൽ റെക്കോർഡ്
