തിരുവനന്തപുരം◾: കേരള സംസ്ഥാന ചലച്ചിത്ര അക്കാദമി സംഘടിപ്പിക്കുന്ന 17-ാമത് ഐ.ഡി.എസ്.എഫ്.എഫ്.കെ 2025 ആഗസ്റ്റ് 22 മുതൽ 27 വരെ തിരുവനന്തപുരം കൈരളി, ശ്രീ, നിള തിയേറ്ററുകളിൽ നടക്കും. 52 രാജ്യങ്ങളിൽ നിന്നുള്ള ഡോക്യുമെന്ററികളും ഹ്രസ്വചിത്രങ്ങളുമായി 331 ചിത്രങ്ങൾ മേളയിൽ പ്രദർശിപ്പിക്കും. സാംസ്കാരിക വകുപ്പ് മന്ത്രി സജി ചെറിയാൻ മേളയുടെ ഉദ്ഘാടനം നിർവഹിക്കും.
ആഗസ്റ്റ് 22 വെള്ളിയാഴ്ച രാവിലെ 9.15 മുതൽ പ്രദർശനം ആരംഭിക്കുന്നതാണ്. 29 വിഭാഗങ്ങളിലായി ആറു ദിവസങ്ങളിലായാണ് മേള നടക്കുന്നത്. വൈകിട്ട് ആറു മണിക്ക് കൈരളി തിയേറ്ററില് സാംസ്കാരിക വകുപ്പ് മന്ത്രി സജി ചെറിയാന് മേളയുടെ ഉദ്ഘാടനം നിര്വഹിക്കും. ഉദ്ഘാടനചടങ്ങിന് ശേഷം പലസ്തീൻ സംവിധായകരുടെ സംരംഭമായ ‘ഫ്രം ഗ്രൗണ്ട് സീറോ’ പ്രദർശിപ്പിക്കും.
മേളയിൽ ഡോക്യുമെന്ററി രംഗത്തെ സമഗ്ര സംഭാവനയ്ക്കുള്ള ലൈഫ്ടൈം അച്ചീവ്മെന്റ് അവാര്ഡ് രാകേഷ് ശര്മ്മയ്ക്ക് സമ്മാനിക്കും. രണ്ടു ലക്ഷം രൂപയും ശില്പ്പവും പ്രശസ്തിപത്രവുമടങ്ങുന്നതാണ് പുരസ്കാരം. അദ്ദേഹത്തിന്റെ നാല് ചിത്രങ്ങളും മേളയിൽ പ്രദർശിപ്പിക്കും.
മത്സര വിഭാഗത്തിലെ ഡോക്യുമെന്ററികൾ, ഹ്രസ്വചിത്രങ്ങൾ, അനിമേഷൻ, മ്യൂസിക് വീഡിയോ, ക്യാമ്പസ് ഫിലിം തുടങ്ങിയവ മേളയിൽ ഉണ്ടായിരിക്കും. ഇന്റർനാഷണൽ ഫിലിംസ്, ഫെസ്റ്റിവൽ വിന്നേഴ്സ്, ജൂറി ഫിലിംസ് തുടങ്ങിയ വിഭാഗങ്ങളിലായാണ് പ്രദർശനം നടക്കുന്നത്. ഡെലിഗേറ്റുകൾക്ക് സിനിമകളുടെ സംവിധായകരുമായി സംവദിക്കാനുള്ള അവസരങ്ങളും ഒരുക്കിയിട്ടുണ്ട്.
അതോടൊപ്പം സമീപകാലത്ത് അന്തരിച്ച ശ്യാംബെനഗൽ, ഷാജി എൻ. കരുൺ, സുലൈമാൻ സിസെ തുടങ്ങിയ പ്രമുഖ വ്യക്തികൾക്ക് ആദരാഞ്ജലിയർപ്പിക്കുന്ന ഹോമേജ് വിഭാഗവും മേളയിലുണ്ടാകും. തപന്കുമാര് ബോസ്, തരുണ് ഭാര്ട്ടിയ, പി.ജയചന്ദ്രന്, ആര്.എസ് പ്രദീപ് എന്നിവരെയും അനുസ്മരിക്കുന്നു.
ആഗസ്റ്റ് 27 ബുധനാഴ്ച വൈകിട്ട് ആറു മണിക്ക് കൈരളി തിയേറ്ററില് നടക്കുന്ന സമാപനച്ചടങ്ങില് മല്സരവിഭാഗത്തിലെ ചിത്രങ്ങള്ക്കുള്ള പുരസ്കാരങ്ങള് പ്രഖ്യാപിക്കും. മികച്ച ലോംഗ് ഡോക്യുമെന്ററിക്ക് രണ്ടു ലക്ഷം രൂപയും ഷോർട്ട് ഡോക്യുമെന്ററിക്ക് ഒരു ലക്ഷം രൂപയുമാണ് സമ്മാനത്തുക. കൂടാതെ മികച്ച ഹ്രസ്വചിത്രത്തിനും ക്യാമ്പസ് ചിത്രത്തിനുമുള്ള പുരസ്കാരങ്ങളും നൽകും.
പൊതുവിഭാഗത്തിന് 590 രൂപയും വിദ്യാര്ത്ഥികള്ക്ക് 354 രൂപയുമാണ് ഡെലിഗേറ്റ് ഫീസായി ഈടാക്കുന്നത്. ഡെലിഗേറ്റ് പാസുകളുടെ വിതരണം വ്യാഴാഴ്ച വൈകിട്ട് അഞ്ചു മണി മുതല് ആരംഭിക്കും. registration.iffk.in എന്ന വെബ്സൈറ്റ് വഴിയും കൈരളി തിയേറ്റര് കോംപ്ളക്സില് പ്രവര്ത്തിക്കുന്ന ഡെലിഗേറ്റ് സെല് വഴിയും രജിസ്ട്രേഷന് നടത്താവുന്നതാണ്.
Story Highlights: 2025 ഓഗസ്റ്റ് 22 മുതൽ 27 വരെ തിരുവനന്തപുരത്ത് നടക്കുന്ന 17-ാമത് ഐ.ഡി.എസ്.എഫ്.എഫ്.കെയിൽ 52 രാജ്യങ്ങളിൽ നിന്നുള്ള 331 ചിത്രങ്ങൾ പ്രദർശിപ്പിക്കും.
കേരള സംസ്ഥാന ചലച്ചിത്ര അക്കാദമി ഡിസംബർ 12 മുതൽ 19 വരെ തിരുവനന്തപുരത്ത് Read more
തിരുവനന്തപുരത്ത് ആറ്റിങ്ങൽ - വെഞ്ഞാറമ്മൂട് റോഡിൽ വയോധികയെ ആക്രമിച്ച ശേഷം റോഡിൽ ഉപേക്ഷിച്ചു. Read more
രാഷ്ട്രപതി ദ്രൗപതി മുർമുവിന്റെ സന്ദർശനത്തോടനുബന്ധിച്ച് തിരുവനന്തപുരം നഗരത്തിൽ ഗതാഗത നിയന്ത്രണം ഏർപ്പെടുത്തി. ഡിസംബർ Read more
30-ാമത് ഐ.എഫ്.എഫ്.കെയിൽ ഫ്രാൻസിൽ നടന്ന അനെസി അനിമേഷൻ ഫിലിം ഫെസ്റ്റിവലിൽ പുരസ്കാരം നേടിയ Read more
തിരുവനന്തപുരം നഗരസഭയിലെ എൽഡിഎഫ് പ്രകടനപത്രിക പുറത്തിറക്കി. "തലസ്ഥാന നഗരം സന്തോഷ നഗരം" എന്നതാണ് Read more
ബ്രഹ്മോസ് മിസൈൽ നിർമ്മാണ യൂണിറ്റിന് തിരുവനന്തപുരത്ത് സ്ഥലം ലഭിക്കും. ഇതിനായി നെട്ടുകാൽത്തേരി തുറന്ന Read more
തിരുവനന്തപുരത്ത് കഠിനംകുളത്ത് എൽഡിഎഫ് സ്ഥാനാർത്ഥി എയ്ഞ്ചലിനും ബന്ധുക്കൾക്കും ലഹരിസംഘത്തിൻ്റെ ആക്രമണത്തിൽ പരിക്കേറ്റു. പത്തിലധികം Read more
തലസ്ഥാന നഗരിയിൽ ഡിസംബർ 12 ന് 30-ാമത് ഐഎഫ്എഫ്കെ ആരംഭിക്കും. 70 രാജ്യങ്ങളിൽ Read more
രാഹുൽ മാങ്കൂട്ടത്തിൽ യുവതിക്കെതിരായ കേസിൽ കൂടുതൽ തെളിവുകൾ തിരുവനന്തപുരം ജില്ലാ കോടതിയിൽ സമർപ്പിച്ചു. Read more
തിരുവനന്തപുരം മെഡിക്കൽ കോളേജിലെ ഡയാലിസിസ് വിഭാഗത്തിൽ വിദ്യാർത്ഥികൾക്ക് നേരെ അതിക്രമം. നൈറ്റ് ഡ്യൂട്ടിക്കിടെ Read more
