Director reveals Jayasurya's financial help during COVID

നടൻ ജയസൂര്യ സാമൂഹിക വിഷയങ്ങളിൽ പ്രതികരിക്കുമ്പോൾ ‘നന്മ മരം’ ചമയുന്നുവെന്ന വിമർശനം പലപ്പോഴും ഉയർന്നിട്ടുണ്ട്. ഇപ്പോൾ, ജയസൂര്യയെക്കുറിച്ചുള്ള ഒരു ഫേസ്ബുക്ക് പോസ്റ്റിന് സംവിധായകൻ രതീഷ് രഘുനന്ദൻ നൽകിയ മറുപടി സോഷ്യൽ മീഡിയയിൽ ചർച്ചയായിരിക്കുകയാണ്. മലയാള സിനിമയിൽ നന്മമരം ചമയുന്ന നടനാണ് ജയസൂര്യയെന്ന രീതിയിലുള്ള പോസ്റ്റിനു താഴെയായി, കൊവിഡ് കാലത്ത് ജയസൂര്യ നൽകിയ സഹായത്തെക്കുറിച്ച് രഘുനന്ദൻ വെളിപ്പെടുത്തിയിരിക്കുകയാണ്. രഘുനന്ദൻ പറയുന്നത്, ‘നന്മമരം ചമയലാണോ എന്നറിയില്ല.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

എനിക്കുണ്ടായ അനുഭവം പറയാം. ഞങ്ങൾ ഒരുമിച്ച് ഒരു സിനിമ ചെയ്യാൻ തീരുമാനിച്ചു. വിജയ് ബാബു നിർമാതാവ്. പ്രീ പ്രൊഡക്ഷൻ തുടങ്ങി ദിവസങ്ങൾക്കകം കൊവിഡും ലോക്ഡൗണും വന്നു.

എല്ലാം പൂട്ടിക്കെട്ടി. രണ്ടോ മൂന്നോ മാസങ്ងൾ കഴിഞ്ഞപ്പോൾ ജയേട്ടന്റെ വിളി വന്നു. കാര്യങ്ങൾ എങ്ങനെ പോകുന്നുവെന്ന് ചോദിച്ചു. ഞാൻ സ്ഥിതിഗതികൾ വിശദീകരിച്ചു.

എട്ട് മാസത്തെ ഇടവേളക്ക് ശേഷം മമ്മൂട്ടി വീണ്ടും സിനിമയിലേക്ക്; ഒക്ടോബറിൽ 'പാട്രിയറ്റ്' ഷൂട്ടിംഗിന് ജോയിൻ ചെയ്യും

അപ്പോൾ അദ്ദേഹം പറഞ്ഞു, ഇത്തിരി പൈസ അക്കൗണ്ടിൽ ഇട്ടിട്ടുണ്ടെന്ന്. വേണ്ടെന്ന് പറയാവുന്ന സാഹചര്യമായിരുന്നില്ല. ജയസൂര്യ എന്ന നടന് എന്നെപ്പോലെ ഒരാളെ ഓർത്ത് സഹായിക്കേണ്ട ഒരു കാര്യവും ഉണ്ടായിരുന്നില്ല. ആ രണ്ട് ലക്ഷം ഇന്നും തിരിച്ചു വാങ്ങിയിട്ടുമില്ല.

ഇതും നന്മമരം ചമയലിന്റെ ഭാഗമാകാം. അറിയില്ല. ‘ എന്നാണ് സംവിധായകൻ കമന്റ് ചെയ്തിരിക്കുന്നത്.

‘ലോക’ 290 കോടി ക്ലബ്ബിൽ; 35 ദിവസം കൊണ്ട് കണ്ടത് 1.18 കോടി പ്രേക്ഷകർ