I Am Kathalan Movie : Viral Hit 'Theliyathe Nee' Song Released

ഗിരീഷ് എ ഡി യുടെ സംവിധാനത്തിൽ നാലാമതായി പുറത്തിറങ്ങിയ ചിത്രമാണ് ഐ ആം കാതലൻ (I am Kathalan Movie ) . തണ്ണീർമത്തൻ ദിനങ്ങൾ, സൂപ്പർ ശരണ്യ, പ്രേമലു എന്നീ ചിത്രങ്ങളിലേതു പോലെ കോളേജ് പശ്ചാത്തലവും പ്രണയവുമായിരിക്കുമെന്ന് പ്രേക്ഷകർ കരുതിയിരുന്നെങ്കിലും,തികച്ചും വ്യത്യസ്തമായ ഒരു അന്തരീക്ഷമാണ് സംവിധായകൻ ഐ ആം കാതലൻ എന്ന ചിത്രത്തിൽ കൊണ്ടുവന്നിരിക്കുന്നത്. നസ്ലെയ്നിനെ നായകനാക്കി ഗിരീഷ് ഒരുക്കിയ ചിത്രം എന്നൊരു പ്രത്യേകത കൂടി ഈ ചിത്രത്തിനുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

2019 -ൽ ‘തണ്ണീർമത്തൻദിനങ്ങൾ ‘എന്ന ചിത്രത്തിലൂടെ മലയാള സിനിമയിലേക്ക് അരങ്ങേറ്റം കുറിച്ച നസ്ലെയ്ൻ അഞ്ച് വർഷം കൊണ്ട് യുവനായകരിൽ പ്രേക്ഷകരുടെ പ്രിയങ്കരനായി മാറിയിരിക്കുയാണ്. ഒക്ടോബറിൽ ചിത്രത്തിന്റെ ടീസർ പുറത്തുവിട്ടതു മുതൽ റിലീസിനായി കാത്തിരിക്കുകയാണ് നസ്ലെയ്ൻ ആരാധകർ. നവംബർ 7 ന് കേരളത്തിലെ 208 തിയേറ്ററുകളിൽ പ്രദർശനത്തിനെത്തിയപ്പോൾ മികച്ച പ്രതികരണം തന്നെയാണ് പ്രേക്ഷകരിൽ നിന്ന് ലഭിച്ചത്.

അനിഷ്മ നായികയായെത്തുന്ന ഈ ചിത്രത്തിൽ മറ്റ് നിരവധി താരങ്ങളും അണിനിരക്കുന്നുണ്ട്. ഗോകുലം ഗോപാലൻ,ഡോക്ടർ പോൾ, കൃഷ്ണമൂർത്തി എന്നിവരാണ് ചിത്രം നിർമ്മിച്ചിരിക്കുന്നത്. സജിൻ ചെറുകയിൽ തിരക്കഥ ഒരുക്കുകയും, സുഹൈൽ കോയയുടെ വരികൾക്ക് സംഗീതമൊരുക്കിയത് സിദ്ധാർത്ഥ പ്രദീപാണ്.

സംഗീതത്തിന്റെ മാസ്മരിക ലോകം തീർത്ത് ഫ്ളവേഴ്സ് മ്യൂസിക്കൽ അവാർഡ്സ് 2025 കോഴിക്കോട്

സിനിമ തീയേറ്ററിൽ എത്തി പ്രദർശം നടന്നു കൊണ്ടിരിക്കെ ഇപ്പോൾ വൈറലാകുന്നത് ഹിറ്റ് ഗാനമായ ‘തെളിയാതെ നീ……’ എന്ന ഗാനമാ ഗാനമാണ്. വീഡിയോ സോങ്ങ് പുറത്തിറങ്ങി നിമിഷങ്ങൾക്കുള്ളിൽ തന്നെ പ്രേക്ഷകർ കൈ നീട്ടി സ്വീകരിച്ചിരിക്കുകയാണ്. ഈ പാട്ടിനായി കാത്തിരിക്കുകയായിരുന്നുവെന്നാണ് പ്രേക്ഷകർ പങ്കുവെച്ചത്. നസ്ലെയ്ൻ-അനിഷ്മ കോംമ്പോ പ്രേക്ഷകർ സ്വീകരിച്ചിരിക്കുകയാണ് ഈ ചിത്രത്തിലൂടെ. മനോഹരമായ ഈണങ്ങളിൽ തീർത്ത വരികൾ ആലപിച്ചിരിക്കുന്നത് രചയിതാവ് സുഹൈൽ കോയയും അരുണമേരി ജോർജും ചേർന്നാണ്. ന്യൂജനറേഷന് വലിയ താൽപര്യയുണ്ടാക്കുന്ന രീതിയിൽ തന്നെയാണ് പാട്ടിന്റെയും ചിത്രീകരണം ഒരുക്കിയിരിക്കുന്നത്.

Story Highlight: Girish A D’s “I am Kathalan Movie ” with Naslen and Anishma introduces a refreshing storyline and is praised for its viral song “Theliyathe Nee.”

അമ്മയിലെ മാറ്റം നല്ലതിന്; വിട്ടുപോയവരെ തിരിച്ചുകൊണ്ടുവരണം: ആസിഫ് അലി