Hurricane Milton Devastates Florida: 14 Dead, Widespread Damage

അമേരിക്കയിലെ ഫ്ലോറിഡയിൽ മിൽട്ടൻ ചുഴലിക്കാറ്റ് വൻ നാശനഷ്ടം വിതച്ചു. ഇതുവരെ 14 പേരുടെ മരണം സ്ഥിരീകരിച്ചിട്ടുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

എന്നാൽ, നാശനഷ്ടങ്ങളുണ്ടായ മേഖലയിൽ പരിശോധന തുടരുന്നതിനാൽ മരണസംഖ്യ ഇനിയും ഉയർന്നേക്കാമെന്ന് റിപ്പോർട്ടുകളുണ്ട്. നിരവധി കെട്ടിടങ്ങൾ തകർന്നതോടൊപ്പം, വൈദ്യുതി തടസ്സപ്പെട്ടതിനാൽ 30 ലക്ഷത്തിലേറെ വീടുകളും ബിസിനസ് സ്ഥാപനങ്ങളും ഇരുട്ടിലായി.

മുൻകരുതലിന്റെ ഭാഗമായി ഫ്ളോറിഡയിൽ അടിയന്തരാവസ്ഥ പ്രഖ്യാപിച്ചിരുന്നു. തീരദേശത്ത് അതീവ ജാഗ്രതാനിർദേശം നൽകിയതോടെ ആയിരക്കണക്കിന് പേർ വീടുകൾ ഒഴിഞ്ഞ് സുരക്ഷിതസ്ഥാനത്തേയ്ക്ക് മാറി.

2005ലെ റീത്ത ചുഴലിക്കാറ്റിനുശേഷം ഏറ്റവും പ്രഹരശേഷിയുള്ള കൊടുങ്കാറ്റായിരിക്കും മിൽട്ടൻ എന്നാണ് പ്രവചനം. യുഎസിൽ കനത്ത നാശം വിതച്ച ഹെലൻ ചുഴലിക്കൊടുങ്കാറ്റിന് പിന്നാലെ മിൽട്ടനും കൂടിയെത്തുന്നത് വലിയ ആശങ്കയാണ് ഉണ്ടാക്കുന്നത്.

അമേരിക്കയിലെ തെക്കുകിഴക്കൻ സംസ്ഥാനങ്ങളിൽ ആഞ്ഞടിച്ച ഹെലൻ ചുഴലിക്കാറ്റിൽ 160ലധികം പേരാണ് മരിച്ചത്. മിൽട്ടൻ ചുഴലിക്കാറ്റിന്റെ ആഘാതം ഇനിയും വ്യക്തമാകാനിരിക്കുന്ന സാഹചര്യത്തിൽ, അധികൃതർ ജാഗ്രത തുടരുകയാണ്.

കൂട്ടുകാരനെ എങ്ങനെ കൊലപ്പെടുത്താം? ചാറ്റ്ജിപിടിയോട് ചോദിച്ച് 13കാരൻ; അറസ്റ്റ്

Story Highlights: Hurricane Milton causes devastation in Florida, USA, with 14 confirmed deaths and widespread power outages