Human Rights Commission Intervenes in Nilambur Adivasi Family Issue

**നിലമ്പൂര് (മലപ്പുറം)◾:** മലപ്പുറം ജില്ലയിലെ നിലമ്പൂര് പാറേക്കാട് നഗറില് സ്ഥലപരിമിതിയുള്ള വീട്ടില് 21 അംഗങ്ങളുള്ള ആദിവാസി കുടുംബം ദുരിതമയമായ ജീവിതം നയിക്കുന്നതിനെക്കുറിച്ച് ട്വന്റിഫോര് റിപ്പോര്ട്ട് ചെയ്ത വാര്ത്തയില് മനുഷ്യാവകാശ കമ്മീഷന്റെ ഇടപെടല് ഉണ്ടായി. ഈ വിഷയത്തില് സ്വമേധയാ കേസെടുത്ത കമ്മീഷന് അടിയന്തരമായി ഇടപെടണമെന്ന് ജില്ലാ കളക്ടറോട് ആവശ്യപ്പെട്ടു. ഒക്ടോബർ 9-ന് തിരൂരിൽ നടക്കുന്ന സിറ്റിംഗിൽ ഈ വിഷയം പ്രത്യേകമായി പരിഗണിക്കുമെന്ന് മനുഷ്യാവകാശ കമ്മീഷൻ ജുഡീഷ്യൽ അംഗം കെ. ബൈജുനാഥ് അറിയിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ചെറിയൊരു വീട്ടില് 21 പേര് തിങ്ങിഞെരുങ്ങി കഴിയുന്ന ഹൃദയഭേദകമായ കാഴ്ച ട്വന്റിഫോര് രണ്ട് ദിവസം മുന്പ് പുറത്തുവിട്ടിരുന്നു. ഈ കുടുംബത്തിന് അഞ്ച് റേഷന് കാര്ഡുകളുണ്ട്. ഇതിനോടകം തന്നെ ഐടിഡിപി പ്രൊജക്ട് ഓഫീസര് വീട്ടിലെത്തി സ്ഥിതിഗതികള് വിലയിരുത്തി. 21 പേരില് രണ്ട് പേര്ക്ക് വീട് വെക്കാന് സ്ഥലമുണ്ട്. ഈ സ്ഥലത്ത് വീട് വെച്ച് നല്കാന് സാധിക്കുമെന്നാണ് പ്രതീക്ഷ.

ഈ ഒറ്റ വീട്ടില് ദുരിതമയമായ സാഹചര്യത്തില് കഴിയുന്നവരില് 88 വയസ്സുള്ള ഒരു വയോധികയുമുണ്ട്. കുടുബത്തിന് ആകെയുള്ളത് മൂന്ന് മുറികള് മാത്രമാണ്. ഓരോ മുറിയിലും എട്ട് പേര്ക്ക് വരെ തിങ്ങിഞെരുങ്ങി കിടക്കേണ്ട അവസ്ഥയാണുള്ളത്. വളരെ ചെറിയ മുറിയില് എട്ട് ആളുകള്ക്ക് നീണ്ടുനിവര്ന്ന് കിടക്കാന് സാധിക്കാത്തതിനാല് പലരും ഇരുന്നുറങ്ങിയാണ് രാവ് വെളുപ്പിക്കുന്നത്.

പേരൂർക്കട മോഷണക്കേസ്: ഒരു കോടി രൂപ നഷ്ടപരിഹാരം ആവശ്യപ്പെട്ട് ബിന്ദു

ഇരുന്നുറങ്ങേണ്ടിവരുന്ന രാത്രികളെക്കുറിച്ച് 88 വയസ്സുകാരി കുറുമ്പിയമ്മ ട്വന്റിഫോറിനോട് പങ്കുവെച്ച അനുഭവങ്ങള് ആരുടേയും കരളലിയിക്കുന്നതായിരുന്നു. 24 വാര്ത്ത റിപ്പോര്ട്ട് ചെയ്ത് രണ്ട് ദിവസത്തിനുള്ളിലാണ് മനുഷ്യാവകാശ കമ്മീഷന്റെ ഭാഗത്തുനിന്നും നടപടിയുണ്ടായത്. 15 ദിവസത്തിനുള്ളില് ഐടിഡിപി പ്രൊജക്ട് ഓഫീസര് റിപ്പോര്ട്ട് സമര്പ്പിക്കണമെന്നും മനുഷ്യാവകാശ കമ്മീഷന് ആവശ്യപ്പെട്ടിട്ടുണ്ട്.

ഐടിഡിപി പ്രൊജക്ട് ഓഫീസര് ഇതിനോടകം തന്നെ വീട്ടിലെത്തി അന്വേഷണം നടത്തിയിട്ടുണ്ട്. 21 പേരില് രണ്ട് പേര്ക്ക് സ്ഥലമുണ്ട്. ഈ സ്ഥലങ്ങളില് വീട് വെച്ച് നല്കാനാകും സാധ്യത.

story_highlight:Human Rights Commission intervenes in the plight of a 21-member Adivasi family living in a small house in Nilambur, Malappuram, following a TwentyFour news report.

മുഖംമൂടി വിവാദം: ഷാജഹാനെതിരെ മനുഷ്യാവകാശ കമ്മീഷന് പരാതി