Hudson Joseph Meek: 'Baby Driver' Child Actor Dies at 16

ഹോളിവുഡ് ചിത്രം ‘ബേബി ഡ്രൈവറി’ലൂടെ ശ്രദ്ധേയനായ ബാലതാരം ഹഡ്സണ് ജോസഫ് മീക്ക് (16) ദാരുണമായ അപകടത്തില് മരണമടഞ്ഞു. ഡിസംബര് 19ന് അലബാമയിലെ വെസ്റ്റവിയ ഹില്സില് രാത്രി 10.45ഓടെ ഓടുന്ന വാഹനത്തില് നിന്ന് വീണാണ് അപകടമുണ്ടായത്. ഗുരുതരമായി പരുക്കേറ്റ മീക്കിനെ ഉടന് തന്നെ ആശുപത്രിയില് പ്രവേശിപ്പിച്ചെങ്കിലും ഡിസംബര് 21ന് ചികിത്സയിലിരിക്കെ മരണം സംഭവിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

2014ല് ‘ജലീല് വൈറ്റ്’ എന്ന ചിത്രത്തിലൂടെ അഭിനയരംഗത്തേക്ക് കടന്നുവന്ന മീക്ക്, 2017ല് പുറത്തിറങ്ങിയ ‘ബേബി ഡ്രൈവര്’ എന്ന ചിത്രത്തില് നായകന്റെ ചെറുപ്പകാലം അവതരിപ്പിച്ചതിലൂടെയാണ് ശ്രദ്ധേയനായത്. തുടര്ന്ന് നിരവധി ടെലിവിഷന് ഷോകളിലും അദ്ദേഹം പ്രത്യക്ഷപ്പെട്ടിരുന്നു. ഈ പ്രതിഭാശാലിയായ യുവ നടന്റെ അകാല വിയോഗം സിനിമാലോകത്തിന് കനത്ത നഷ്ടമാണ്.

സംഭവത്തെക്കുറിച്ച് വെസ്റ്റാവിയ ഹില്സ് പോലീസ് ഡിപ്പാര്ട്ട്മെന്റ് അന്വേഷണം ആരംഭിച്ചിട്ടുണ്ട്. എന്നാല് അപകടത്തിന്റെ കാരണത്തെക്കുറിച്ച് ഇതുവരെ പരസ്യമായ പ്രസ്താവനകളൊന്നും അധികൃതരോ പൊലീസോ നടത്തിയിട്ടില്ല. ഹഡ്സണ് മീക്കിന്റെ അപ്രതീക്ഷിത വിയോഗം അദ്ദേഹത്തിന്റെ കുടുംബത്തിനും ആരാധകര്ക്കും വലിയ ആഘാതമാണ് ഉണ്ടാക്കിയിരിക്കുന്നത്. ചലച്ചിത്ര മേഖലയില് വലിയ സാധ്യതകള് ഉണ്ടായിരുന്ന ഒരു യുവ പ്രതിഭയെയാണ് നഷ്ടമായിരിക്കുന്നത്.