'മഹാത്മാഗാന്ധിയെ പോലും കൊലപ്പെടുത്തി'; ഭീഷണിയുമായി ഹിന്ദുമഹാസഭാ നേതാവ്.

കർണാടകയിലെ ഹിന്ദുമഹാസഭാ സംസ്ഥാന സെക്രട്ടറി ധർമ്മേന്ദ്രയാണ് പരസ്യ ഭീഷണി മുഴക്കിയത്. കർണാടകയിൽ അനധികൃതമായി നിർമ്മിച്ച മതസ്ഥാപനങ്ങളും കെട്ടിടങ്ങളും പൊളിക്കുന്നതിനെതിരെയായിരുന്നു പരാമർശം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഹിന്ദുമഹാസഭയുടെ പ്രവർത്തകർ കർണാടകത്തിലെ ക്ഷേത്രങ്ങൾ പൊളിച്ചുമാറ്റാൻ അനുവദിക്കില്ലെന്ന് അദ്ദേഹം പറഞ്ഞു. കൂടാതെ ഹിന്ദുക്കളെ സംരക്ഷിക്കാൻ മഹാത്മാഗാന്ധിയെ പോലും കൊലപ്പെടുത്തിയെന്നും, നിങ്ങളെ വെറുതെ വിടില്ലെന്നും അദ്ദേഹം പറഞ്ഞു.

കർണാടക സർക്കാർ ചിത്രദുർഗ്ഗയിലും മൈസൂരിലും ദക്ഷിണ കന്നടയിലുമുള്ള ക്ഷേത്രങ്ങൾ തകർത്തെന്നും ഹിന്ദുസംഘടനകൾ സംഭവത്തിൽ പ്രതിഷേധിക്കുമെന്നും അദ്ദേഹം അറിയിച്ചു. കൂടാതെ കർണാടക സർക്കാർ ലക്ഷ്യമിടുന്നത് ഹിന്ദുക്ഷേത്രങ്ങൾ മാത്രമാണെന്നും ഹിന്ദുമഹാസഭാ സെക്രട്ടറി ആരോപിച്ചു.