Himachal Pradesh to Legalize Cannabis Cultivation for Medical Use

ഹിമാചൽ പ്രദേശ് സർക്കാർ ഔഷധ, മെഡിക്കൽ, വ്യവസായ ആവശ്യങ്ങൾക്കായി കഞ്ചാവ് കൃഷി നിയമവിധേയമാക്കാൻ തീരുമാനിച്ചു. റവന്യൂ മന്ത്രി ജഗത് സിങ് നേഗി വെള്ളിയാഴ്ച ഇതുസംബന്ധിച്ച പ്രമേയം പാസാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സംസ്ഥാനത്തെ ജനങ്ങളും ഈ നീക്കത്തെ പിന്തുണയ്ക്കുന്നതായി അദ്ദേഹം അറിയിച്ചു. കൃഷിവകുപ്പ് ഗവേഷണ വികസന വിദഗ്ധരെയും സർവകലാശാലകളെയും ഏകോപിപ്പിച്ച് കഞ്ചാവ് കൃഷിക്കായി വിത്ത് ബാങ്കുകൾ വികസിപ്പിക്കും.

എക്സൈസ് വകുപ്പിന് പ്രത്യേക ജീവനക്കാരെയും നൽകും. നാർക്കോട്ടിക് ഡ്രഗ്സ് ആൻഡ് സൈക്കോട്രോപിക് സബ്സ്റ്റൻസസ് ആക്ടിലെ 10, 14 വകുപ്പുകൾ പ്രകാരം, ഔഷധ, ശാസ്ത്രീയ, വ്യാവസായിക ആവശ്യങ്ങൾക്കായി സംസ്ഥാനത്ത് കഞ്ചാവ് (ചരസ് ഒഴികെ) കൃഷി ചെയ്യുന്നത് നിയമവിധേയമാക്കുന്ന കാര്യം പരിശോധിക്കാൻ ഒരു സമിതിയെ ചുമതലപ്പെടുത്തിയിരുന്നു.

2023 ഏപ്രിൽ 26ന് രൂപീകരിച്ച സമിതിയിൽ ശാസ്ത്രജ്ഞർ, ഹോർട്ടികൾച്ചർ വിദഗ്ധർ, എല്ലാ രാഷ്ട്രീയ പാർട്ടികളിലെയും അംഗങ്ങളും ഉൾപ്പെട്ടിരുന്നു. ചമ്പ, കാൻഗ്ര, കുളു, മാണ്ഡി, സിർമൗർ, സോളൻ ജില്ലകളിലെ പ്രാദേശിക ഗ്രാമപഞ്ചായത്തുകളിലെ പ്രതിനിധികളുമായി കൂടിക്കാഴ്ച നടത്തി പൊതുജനാഭിപ്രായം ശേഖരിച്ചിരുന്നു.

ഷിംലയിൽ അഞ്ചുനില കെട്ടിടം തകർന്നു വീണു; ആളപായമില്ല

നിലവിലെ നിയമം ഭേദഗതി ചെയ്യുന്നതിനും സമിതി ശുപാർശ ചെയ്തിട്ടുണ്ട്. ഇതോടെ കഞ്ചാവ് ചെടികളുടെ ഉത്പാദനം, കൈവശം വയ്ക്കൽ, എന്നിവയ്ക്കൊപ്പം കൃഷി ചെയ്യാനും അനുവാദം ലഭിക്കും.

Story Highlights: Himachal Pradesh government to legalize cannabis cultivation for medical and industrial purposes

ഷിംലയിൽ അഞ്ചുനില കെട്ടിടം തകർന്നു വീണു; ആളപായമില്ല