High Court Reaffirms Strict Guidelines for Elephant Processions

ആന എഴുന്നള്ളിപ്പിനെതിരെ വീണ്ടും നിലപാട് കടുപ്പിച്ച് ഹൈക്കോടതി. ജനങ്ങളുടെ സുരക്ഷയും ആനകളുടെ പരിപാലനവുമാണ് ഏറ്റവും പ്രധാനമെന്ന് കോടതി വ്യക്തമാക്കി. ആനകൾ തമ്മിൽ നിശ്ചിത അകലം പാലിക്കണമെന്ന സുപ്രീംകോടതി ഉത്തരവ് നിലനിൽക്കുന്നതായും, നിലവിലെ മാർഗനിർദേശങ്ങളിൽ മാറ്റം വരുത്തില്ലെന്നും ഹൈക്കോടതി അറിയിച്ചു. ദേവസ്വങ്ങൾ പിടിവാശി ഉപേക്ഷിക്കണമെന്നും കോടതി ആവശ്യപ്പെട്ടു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ആന എഴുന്നള്ളിപ്പ് അനിവാര്യമായ മതാചാരമല്ലെന്ന് ഹൈക്കോടതി ഡിവിഷൻ ബെഞ്ച് വ്യക്തമാക്കി. ഒരു കാര്യം ഏറെ കാലമായി സംഭവിക്കുന്നതുകൊണ്ട് മാത്രം അത് അനിവാര്യമായ മതാചാരമാകില്ലെന്നും കോടതി ചൂണ്ടിക്കാട്ടി. എഴുന്നള്ളിപ്പിന് ആനകൾ തമ്മിലുള്ള മൂന്ന് മീറ്റർ അകലം കർശനമായി പാലിക്കേണ്ടതാണെന്നും, ഇത് ജനങ്ങളുടെ സുരക്ഷ പരിഗണിച്ചാണ് നിശ്ചയിച്ചിരിക്കുന്നതെന്നും കോടതി വ്യക്തമാക്കി. മാർഗനിർദേശങ്ങൾ ലംഘിച്ചാൽ കർശന നടപടി ഉണ്ടാകുമെന്നും കോടതി മുന്നറിയിപ്പ് നൽകി.

ആനകൾ തമ്മിലുള്ള മൂന്ന് മീറ്റർ അകല പരിധി പാലിക്കുന്നുണ്ടോയെന്ന് നിരീക്ഷിക്കാൻ ജില്ലാ കളക്ടർമാർക്ക് ചുമതല നൽകുമെന്ന് ഹൈക്കോടതി അറിയിച്ചു. കോടതി ഉത്തരവുകൾക്കെതിരെ പ്രതിഷേധമുയർത്തുന്നത് അംഗീകരിക്കില്ലെന്നും, ഉത്തരവ് നടപ്പാക്കാൻ ആവശ്യമായ നടപടികൾ നീതിന്യായ വ്യവസ്ഥ സ്വീകരിക്കുമെന്നും ഡിവിഷൻ ബെഞ്ച് വ്യക്തമാക്കി. അകലപരിധി കുറയ്ക്കാൻ മതിയായ കാരണങ്ങളുണ്ടെങ്കിൽ മാത്രമേ പരിഗണിക്കൂവെന്നും, നിശ്ചിത അകലപരിധി പാലിച്ചാൽ എത്ര ആനകളെ വേണമെങ്കിലും എഴുന്നള്ളിപ്പിൽ പങ്കെടുപ്പിക്കാമെന്നും കോടതി വ്യക്തമാക്കി.

കെപിസിസി സമ്പൂർണ്ണ പുനഃസംഘടനയ്ക്ക്; രണ്ട് മാസത്തിനുള്ളിൽ പുതിയ ടീം

Story Highlights: High Court reaffirms strict guidelines for elephant processions in festivals, emphasizing safety and animal welfare

ആറാട്ടണ്ണന് ജാമ്യം