High Court Dismisses Case Against Sreekumar Menon

ഒടിയൻ സിനിമയുടെ സംവിധായകൻ ശ്രീകുമാർ മേനോനെതിരെ നടി മഞ്ജുവാര്യർ നൽകിയ പരാതിയിലെടുത്ത കേസ് ഹൈക്കോടതി റദ്ദാക്കി. കേസ് രജിസ്റ്റർ ചെയ്ത് നാലു വർഷമായിട്ടും മഞ്ജു വാര്യർ തൻ്റെ നിലപാട് അറിയിക്കാത്തതിനാലാണ് ഈ നടപടി. ഹൈക്കോടതി നിരീക്ഷിച്ചത് അനുസരിച്ച്, സംവിധായകനെതിരെ ചുമത്തിയ കുറ്റങ്ളും സ്ത്രീത്വത്തെ അപമാനിച്ചുവെന്ന ആക്ഷേപവും നിയമപരമായി നിലനിൽക്കുന്നതല്ല.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഒടിയൻ സിനിമയ്ക്കു ശേഷം മഞ്ജു വാര്യർക്കു നേരെ നടന്ന സൈബർ ആക്രമണവുമായി ബന്ധപ്പെട്ട് നടി അന്നത്തെ ഡിജിപിയായ ലോക്നാഥ് ബെഹ്റയ്ക്ക് പരാതി നൽകിയിരുന്നു. സൈബർ ആക്രമണത്തിനു പിന്നിൽ ശ്രീകുമാർ മേനോനാണെന്ന് ചൂണ്ടിക്കാണിച്ചായിരുന്നു നടിയുടെ പരാതി.

പരാതി തൃശൂർ ടൗണ് ഈസ്റ്റ് പൊലീസിന് കൈമാറുകയും 2019 ഒക്ടോബര് 23ന് എഫ്ഐആർ രജിസ്റ്റർ ചെയ്യുകയും ചെയ്തു. കുറ്റകരമായ ഉദ്ദേശത്തോടെ പിന്തുടര്ന്നുവെന്ന ആക്ഷേപവും നിലനില്ക്കുന്നതല്ലെന്നും ഭീഷണിപ്പെടുത്തിയതിന് ശ്രീകുമാർ മേനോനെ വിചാരണ ചെയ്യാന് മതിയായ തെളിവില്ലെന്നും ഹൈക്കോടതി കണ്ടെത്തി.

എ.എം.എം.എയുടെ പുതിയ ടീമിന് ആശംസകളുമായി മമ്മൂട്ടി; വനിതകൾക്ക് അനുകൂലമായ സാഹചര്യം ഉണ്ടാകട്ടെ എന്ന് മന്ത്രി സജി ചെറിയാൻ

2020 മുതല് പരിഗണനയിലുള്ള ഹര്ജിയില് ഹൈക്കോടതി ആവശ്യപ്പെട്ടിട്ടും മഞ്ജു വാര്യര് നിലപാട് അറിയിക്കാതിരുന്നതാണ് കേസ് റദ്ദാക്കാൻ കാരണമായത്. എന്നാൽ, കേസ് ഗൗരവതരമാണെന്നും വിചാരണ നടത്താന് ആവശ്യമായ തെളിവുണ്ടെന്നുമായിരുന്നു അന്ന് പ്രോസിക്യൂഷൻ്റെ വാദം. Story Highlights: High Court dismisses case against director Sreekumar Menon based on actress Manju Warrier’s complaint due to lack of response

പി.പി. ദിവ്യക്കെതിരായ കേസിൽ ഹൈക്കോടതിയുടെ ഇടപെടൽ; വിജിലൻസിന് നോട്ടീസ് അയച്ചു