Hema Committee Report: High Court Seeks Government's Stand

ഹേമ കമ്മിറ്റി റിപ്പോർട്ടിലെ ഗുരുതര വെളിപ്പെടുത്തലുകളിൽ ക്രിമിനൽ നടപടി ആവശ്യപ്പെട്ടുള്ള ഹർജി ഹൈക്കോടതി ഫയലിൽ സ്വീകരിച്ചു. റിപ്പോർട്ടിന്റെ പൂർണ രൂപം മുദ്രവച്ച കവറിൽ ഹാജരാക്കാൻ സർക്കാരിന് കോടതി നിർദേശം നൽകി. ഈ വിഷയത്തിൽ സർക്കാരിന്റെ നിലപാട് അറിയേണ്ടതുണ്ടെന്ന് ജസ്റ്റിസ് മുഹമ്മദ് മുഷ്താഖ് വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

റിപ്പോർട്ടിൽ കണ്ടെത്തിയ പ്രശ്നങ്ങളിൽ എന്ത് തുടർനടപടി സ്വീകരിക്കാൻ കഴിയുമെന്നും കോടതി സർക്കാരിനോട് ആരാഞ്ഞു. കുറ്റകൃത്യം നടന്നതായി ബോധ്യപ്പെട്ടാൽ നേരിട്ട് കേസെടുക്കാൻ സർക്കാരിന് അധികാരമുണ്ടോയെന്ന് കോടതി ചോദിച്ചു. പോക്സോ വകുപ്പുകളിലാണ് അത്തരം അധികാരമുള്ളതെന്ന് സർക്കാർ മറുപടി നൽകി.

സിനിമാ മേഖലയിലെ വനിതകൾ നേരിടുന്ന പ്രശ്നങ്ങൾ പഠിച്ച് റിപ്പോർട്ട് നൽകാനാണ് കമ്മിറ്റിയെ നിയോഗിച്ചതെന്നും സർക്കാർ വ്യക്തമാക്കി. എന്നാൽ കമ്മിറ്റി ചൂണ്ടിക്കാട്ടിയത് ഗുരുതരമായ പ്രശ്നങ്ങളാണെന്ന് കോടതി നിരീക്ഷിച്ചു. റിപ്പോർട്ടിന് രഹസ്യസ്വഭാവമുണ്ടെന്ന് സർക്കാർ അറിയിച്ചെങ്കിലും, കണ്ടെത്തലുകൾ ഒഴിവാക്കുന്നതാണോ എല്ലാവരുടെയും ആശങ്കയെന്ന് കോടതി ചൂണ്ടിക്കാട്ടി.

രോഹിത് വെള്ളക്കുപ്പായം അഴിച്ചു; അകലുന്നത് ടെസ്റ്റ് ക്രിക്കറ്റിലെ ‘സമാനതകളില്ലാത്ത ആക്രമണ ബാറ്റിംഗ് മുഖം’

മൊഴി നൽകിയവർക്ക് നേരിട്ട് മുന്നോട്ടുവരാൻ താൽപര്യമുണ്ടോയെന്നും കോടതി ആരാഞ്ഞു. പരാതിക്കാർക്ക് പൊലീസിനെയോ മജിസ്ട്രേറ്റ് കോടതിയെയോ സമീപിക്കാമെന്നും കോടതി നിരീക്ഷിച്ചു. ഹേമ കമ്മിറ്റി സർക്കാർ നിയമിച്ചതാണെന്നും റിപ്പോർട്ട് പൊതുജനമധ്യത്തിലുണ്ടെന്നും സർക്കാർ വ്യക്തമാക്കി.

Story Highlights: High Court seeks government’s stand on Hema Committee report, asks for full report in sealed cover

ആറാട്ടണ്ണന് ജാമ്യം