Hariharan and Nanchiyamma attend 'Daya Bharati' music launch in Kochi

ഇന്ത്യൻ ഗസൽ സംഗീതത്തിന്റെ മികച്ച ഗായകനായ ഹരിഹരനും, ഒറ്റച്ചിത്രത്തിലൂടെ ദേശീയ തലത്തിൽ അംഗീകാരം നേടിയ അട്ടപ്പാടിയിലെ ഗ്രാമീണ പാട്ടുകാരി നാഞ്ചിയമ്മയും ഒക്ടോബർ എട്ടിന് കൊച്ചിയിലെ ഗോകുലം കൺവെൻഷൻ സെന്ററിൽ നടന്ന ചടങ്ങിൽ നിറസാന്നിധ്യമായി. കെ. ജി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വിജയകുമാർ സംവിധാനം ചെയ്യുന്ന ‘ദയാഭാരതി’ എന്ന ചിത്രത്തിന്റെ മ്യൂസിക് ലോഞ്ചും ടീസർ ലോഞ്ചും ആയിരുന്നു ഈ ചടങ്ങ്. തമ്പുരാൻ ഫിലിംസിന്റെ ബാനറിൽ ബി. വിജയകുമാർ, ചാരങ്ങാട്ട് അശോകൻ എന്നിവർ നിർമ്മിക്കുന്ന ഈ ചിത്രത്തിൽ ഹരിഹരൻ ഒരു പ്രധാന കഥാപാത്രത്തെ അവതരിപ്പിക്കുന്നു.

ചിത്രത്തിലെ രണ്ട് ഗാനങ്ങൾ ഹരിഹരനും, മറ്റൊരു ഗാനം നാഞ്ചിയമ്മയും ആലപിച്ചിരിക്കുന്നു. കാടും കാടിന്റെ മനുഷ്യരും, അവിടുത്തെ പക്ഷിമൃഗാദികളും സംരക്ഷിക്കപ്പെടേണ്ടതാണെന്നും, കാടിന്റെ ചൂഷണത്തിനെതിരെയുള്ള ശക്തമായ താക്കീതും ഈ ചിത്രത്തിലൂടെ നൽകുന്നു. സാമൂഹ്യ പ്രതിബദ്ധതയുള്ള ഈ ചിത്രത്തിന്റെ ഭാഗമാകാൻ കഴിഞ്ഞതിൽ സന്തോഷമുണ്ടെന്ന് ഹരിഹരൻ പറഞ്ഞു.

ജനങ്ങൾ തന്നോട് നൽകിയ സ്നേഹത്തിന് സന്തോഷമുണ്ടെന്ന് നാഞ്ചിയമ്മയും പ്രകടിപ്പിച്ചു. നിർമ്മാണ പ്രവർത്തനങ്ങൾ പൂർത്തിയായ ഈ ചിത്രം ഒക്ടോബർ ഇരുപത്തിനാലിന് പ്രദർശനത്തിനെത്തുന്നു.

ജാനകി VS സ്റ്റേറ്റ് ഓഫ് കേരള: സെൻസർ ബോർഡ് നടപടിക്കെതിരെ ഫെഫ്ക സമരം പ്രഖ്യാപിച്ചു

Story Highlights: Renowned ghazal singer Hariharan and folk singer Nanchiyamma attend music launch of ‘Daya Bharati’ film in Kochi