HanumanKind's Tamil Debut in Vijay's Political Thriller 'Jananayagan'

ചെന്നൈയിൽ പുതിയ സംഗീതസംരംഭങ്ങൾക്കൊരുങ്ങി ഹനുമാൻകൈൻഡ് എന്നറിയപ്പെടുന്ന സൂരജ് ചെറുകാട്. ഇളയദളപതി വിജയുടെ രാഷ്ട്രീയ പ്രവേശനത്തിന് മുന്നോടിയായുള്ള ചിത്രം ‘ജനനായകൻ’ എന്ന ചിത്രത്തിൽ ഒരു റാപ്പ് ഗാനം ആലപിച്ചിരിക്കുകയാണ് സൂരജ്. എച്ച്. വിനോദ് സംവിധാനം ചെയ്യുന്ന ഈ പൊളിറ്റിക്കൽ ത്രില്ലറിൽ അനിരുദ്ധ് ആണ് സംഗീത സംവിധാനം നിർവഹിക്കുന്നത്. ‘ബിഗ് ഡാഗ്സ്’, ‘റൺ ഇറ്റ് അപ്പ്’ എന്നീ റാപ്പുകൾക്ക് ശേഷം ‘കോചെല്ല മ്യൂസിക് ഫെസ്റ്റിവൽ 2025’ ലും പങ്കെടുത്ത് ലോകശ്രദ്ധ നേടിയ സൂരജിന് തമിഴിലെ അരങ്ങേറ്റം വിജയ് ചിത്രത്തിലൂടെയാണ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വിജയുടെ ആരാധകർ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് ‘ജനനായകൻ’. രാഷ്ട്രീയ പ്രവേശനത്തിന് മുന്നോടിയായുള്ള വിജയുടെ അവസാന ചിത്രമെന്ന നിലയിൽ ചിത്രത്തിന് വലിയ പ്രാധാന്യമുണ്ട്. ഈ ചിത്രത്തിലെ റാപ്പ് ഗാനത്തെക്കുറിച്ച് ഒരു തമിഴ് മാധ്യമത്തിന് നൽകിയ അഭിമുഖത്തിലാണ് സൂരജ് വെളിപ്പെടുത്തിയത്. പൂജ ഹെഗ്ഡെ, പ്രകാശ് രാജ്, ബോബി ഡിയോൾ, ഗൗതം വാസുദേവ് മേനോൻ, മമിത ബൈജു തുടങ്ങി വൻ താരനിരയും ചിത്രത്തിൽ അണിനിരക്കുന്നു.

തമിഴിലെ പ്രശസ്ത സംഗീത സംവിധായകൻ അനിരുദ്ധൊപ്പം പ്രവർത്തിക്കാൻ സാധിച്ചതിൽ സന്തോഷമുണ്ടെന്നും സൂരജ് പറഞ്ഞു. ‘ജനനായകൻ’ എന്ന ചിത്രത്തിലെ റാപ്പ് ഗാനത്തിന് പുറമെ ഇനിയും നിരവധി പ്രൊജക്ടുകൾക്കായി ചെന്നൈയിലേക്ക് വരുമെന്നും സൂരജ് വ്യക്തമാക്കി. ലോകപ്രശസ്തരായ ആർട്ടിസ്റ്റുകൾ അണിനിരന്ന ‘കോചെല്ല മ്യൂസിക് ഫെസ്റ്റിവൽ 2025’ ലെ സൂരജിന്റെ പ്രകടനം ആഗോള സംഗീത ആരാധകരുടെ ശ്രദ്ധ പിടിച്ചുപറ്റിയിരുന്നു.

മാർച്ച് മാസത്തിലെ സിനിമാ കളക്ഷൻ: എമ്പുരാൻ മാത്രം ലാഭത്തിൽ

Story Highlights: HanumanKind, aka Sooraj Cherukad, is set to make his Tamil debut with a rap song in Vijay’s political thriller ‘Jananayagan’, directed by H. Vinoth and composed by Anirudh.

വിജയ്യെ കാണാൻ ഡ്യൂട്ടി മുടക്കി; മധുരൈ കോൺസ്റ്റബിളിന് സസ്പെൻഷൻ