ഈ വർഷത്തെ ഹജ്ജ്: അറഫ സംഗമം സമാപിച്ചു

അറഫ (സൗദി അറേബ്യ)◾: ഈ വർഷത്തെ ഹജ്ജിന്റെ പ്രധാന ചടങ്ങായ അറഫ സംഗമം സമാപിച്ചു. ഏകദേശം 18 ലക്ഷത്തോളം തീർഥാടകർ ഇത്തവണ ഹജ്ജ് കർമ്മത്തിൽ പങ്കെടുത്തു. ഹജ്ജിലെ ഏറ്റവും പ്രധാനപ്പെട്ട ചടങ്ങാണ് അറഫ സംഗമം, അറഫ ലഭിക്കാത്തവർക്ക് ഹജ്ജില്ലെന്ന് പ്രവാചകൻ പറഞ്ഞിട്ടുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അറഫാ പ്രഭാഷണം നടത്തിയത് സൗദിയിലെ മുതിർന്ന പണ്ഡിതനും ഹറം ഇമാമുമായ ഡോ. സാലിഹ് ബിൻ ഹുമൈദ് ആയിരുന്നു. ‘ദൈവത്തിന്റെ വിളി കേൾക്കുന്നു’ എന്ന അർത്ഥം വരുന്ന ‘ലബ്ബൈക്’ മന്ത്രധ്വനികളുമായി വെളുത്ത വസ്ത്രം ധരിച്ച തീർഥാടകർ അറഫയിൽ ഒത്തുചേർന്നു.

ഇന്ത്യയിൽ നിന്ന് 1,22,518 ഹാജിമാരാണ് ഈ വർഷം ഹജ്ജിന് എത്തിയത്. അവരിൽ 16,341 പേർ കേരളത്തിൽ നിന്നുള്ളവരാണ്. ഹാജിമാർ ഇന്ന് മുസ്ദലിഫയിൽ അന്തിയുറങ്ങുകയും വെള്ളിയാഴ്ച മിനയിൽ തിരിച്ചെത്തുകയും ചെയ്യും.

തമ്പുകളുടെ നഗരം എന്നറിയപ്പെടുന്ന മിന താഴ്വരയിലാണ് ഹജ്ജിന് വരുന്ന തീർഥാടകർ ഏറ്റവും കൂടുതൽ സമയം ചെലവഴിക്കുന്നത്. അവിടെ മൂന്ന് ദിവസം താമസിച്ചാണ് ബാക്കിയുള്ള കർമ്മങ്ങൾ പൂർത്തിയാക്കുക. കനത്ത ചൂടിൽ നടക്കുന്ന ഈ വർഷത്തെ ഹജ്ജിൽ ചൂട് കുറയ്ക്കുന്നതിനുള്ള സൗകര്യങ്ങൾ ഏർപ്പെടുത്തിയിട്ടുണ്ട്.

സൗദിയിൽ ഹജ്ജിന് മലയാളി കമ്പനിയുടെ ആരോഗ്യ സേവനം

അന്തരീക്ഷം തണുപ്പിക്കാനുള്ള സംവിധാനങ്ങൾ മിനയിലും അറഫയിലും റോഡുകളിലുമെല്ലാം ഒരുക്കിയിട്ടുണ്ട്. ബലിയറുക്കൽ, മൂന്നു ദിവസത്തെ ജംറയിൽ കല്ലേറ് കർമം, മക്ക മസ്ജിദുൽ ഹറാമിലെ പ്രദക്ഷിണം എന്നിവയാണ് ഇനി ബാക്കിയുള്ള കർമ്മങ്ങൾ.

ഈ കർമ്മങ്ങളെല്ലാം പൂർത്തിയാകുന്നതോടെ ഈ വർഷത്തെ ഹജ്ജ് അവസാനിക്കും.

Story Highlights: 18 ലക്ഷത്തോളം തീർഥാടകർ പങ്കെടുത്ത ഈ വർഷത്തെ ഹജ്ജിന്റെ പ്രധാന ചടങ്ങായ അറഫ സംഗമം സമാപിച്ചു.

സൗദിയിൽ ഹജ്ജിന് മലയാളി കമ്പനിയുടെ ആരോഗ്യ സേവനം