ചലച്ചിത്ര താരം ഗിന്നസ് പക്രു പതിനെട്ടാം പടി ചവിട്ടി അയ്യപ്പനെ കണ്ട സന്തോഷം പങ്കുവച്ചു. എട്ടാം തവണയാണ് പ്രിയനടൻ സന്നിധാനത്ത് എത്തുന്നത്. ശബരിമലയിലെ സൗകര്യങ്ගൾ ഓരോ തവണയും മെച്ചപ്പെടുന്നതായി അദ്ദേഹം പറഞ്ഞു. പൊലീസ് സംവിധാനത്തെ അദ്ദേഹം പ്രത്യേകം പ്രശംസിച്ചു.
തീർത്ഥാടകർക്ക് മികച്ച സൗകര്യമാണ് ലഭിക്കുന്നതെന്നും, സന്നിധാനത്ത് എല്ലാവരും സന്തോഷവാന്മാരാണെന്നും അദ്ദേഹം പറഞ്ഞു. ഭക്തരുടെ സംതൃപ്തമായ മുഖങ്ങളാണ് കാണാൻ കഴിഞ്ഞതെന്നും പക്രു വ്യക്തമാക്കി. ബന്ധുക്കളായ അഞ്ചുപേർക്കൊപ്പമായിരുന്നു ഗിന്നസ് പക്രുവിന്റെ ശബരിമല ദർശനം.
തിരക്കിനെ കൃത്യമായി നിയന്ത്രിച്ച് ഓരോ ഭക്തനും ദർശനം സാധ്യമാക്കുന്നുണ്ട്. ‘പവിത്രം ശബരിമല’ പദ്ധതിയുടെ ഭാഗമായി ശബരിമല മുഴുവൻ പ്ലാസ്റ്റിക് വിമുക്തമാക്കുന്നതിനുള്ള ശ്രമങ്ങൾ നടക്കുന്നുണ്ട്. ഓരോ ഭക്തനും ഇരുമുടിക്കെട്ടിൽ പ്ലാസ്റ്റിക് ഉൾപ്പെടുത്താതെ ഈ പ്രവർത്തനത്തിൽ പങ്കാളികളാകണമെന്ന് അദ്ദേഹം ഓർമിപ്പിച്ചു. ദർശന ശേഷം തന്ത്രിയെയും മേൽശാന്തിയെയും കണ്ട ശേഷമാണ് ഗിന്നസ് പക്രു മലയിറങ്ങിയത്.
Story Highlights: Actor Guinness Pakru visits Sabarimala for the eighth time, praises improved facilities and police arrangements
