G.S. Pradeep chooses life-saving doctor as Ashwamedham contestant

കൈരളി ചാനലിലെ പ്രശസ്തമായ ക്വിസ് പരിപാടിയായ അശ്വമേധം വീണ്ടും തുടങ്ങിയപ്പോൾ, ആദ്യ മത്സരാർഥിയായി ഡോ. ഹരീഷ് കരീമിനെ തിരഞ്ഞെടുത്തതിന്റെ കാരണം അവതാരകൻ ജി.എസ്. പ്രദീപ് വെളിപ്പെടുത്തി. 11 വർഷങ്ങൾക്ക് മുമ്പ് തനിക്കുണ്ടായ ഒരു ഗുരുതരമായ രോഗാവസ്ഥയെക്കുറിച്ചും മരണത്തെ മുഖാമുഖം കണ്ട നാളുകളെക്കുറിച്ചും പ്രദീപ് ഓർമിക്കുന്നു. ആ സമയത്ത് തന്നെ രക്ഷിച്ച ഭിഷഗ്വരനാണ് ഡോ. ഹരീഷ് കരീം എന്ന് അദ്ദേഹം വ്യക്തമാക്കി. മരണം സുനിശ്ചിതമായിരുന്ന ആ കാലഘട്ടത്തിൽ നിന്നും തന്നെ ജീവിതത്തിലേക്ക് പിടിച്ചുകയറ്റിയ വ്യക്തിയാണ് ഡോ. ഹരീഷ് കരീമെന്ന് പ്രദീപ് പറഞ്ഞു. വിജയിച്ചേ തീരൂ എന്ന ദൃഢനിശ്ചയമുള്ള ഒരു ഡോക്ടറുടെ ഹൃദയത്തിൽ ചാലിച്ച കൈയൊപ്പ് തന്റെ നെഞ്ചിടിപ്പിൽ പതിഞ്ഞ ആ നിമിഷത്തിൽ നിന്നാണ് നമ്മൾ വീണ്ടും കാണുന്നതെന്ന് പ്രേക്ഷകരോട് പറഞ്ഞു. തനിക്ക് ജീവൻ പകർന്നു തന്ന ഗ്യാസ്ട്രോ എൻഡ്രോളജിസ്റ്റ് ഡോ. ഹരീഷ് കരീമിനെ അശ്വമേധത്തിന്റെ രണ്ടാം സീസണിലെ ആദ്യ മത്സരത്തിലേക്ക് ഹാർദവമായി സ്വാഗതം ചെയ്തു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ALSO READ: റെക്കോര്ഡ് തകര്ത്തതല്ലേ ഇനി കുറച്ച് റെസ്റ്റാകാം ! കുതിപ്പിന് ബ്രേക്കിട്ട് സ്വര്ണവില

എമ്പുരാൻ വിവാദം: മോഹൻലാൽ, പൃഥ്വിരാജ് എന്നിവർക്കെതിരായ സൈബർ ആക്രമണങ്ങളെ ഫെഫ്ക അപലപിച്ചു

തന്റെ ആരോഗ്യം അസ്തമിക്കുകയും രോഗം പൂർണമായും തന്നെ കീഴ്പ്പെടുത്തുകയും ചെയ്തിരുന്ന ആ കാലഘട്ടത്തിൽ മരണത്തിന്റെ തൊട്ടടുത്ത് നിന്നും തന്നെ ജീവിതത്തിലേക്ക് പിടിച്ചുകയറ്റിയ വ്യക്തിയാണ് ഡോ. ഹരീഷ് കരീമെന്ന് പ്രദീപ് വ്യക്തമാക്കി. അതുകൊണ്ട് തന്നെയാണ് അശ്വമേധത്തിലെ തന്റെ ആദ്യ മത്സരാർഥിയായി അദ്ദേഹത്തെ തിരഞ്ഞെടുത്തതെന്നും പ്രദീപ് വെളിപ്പെടുത്തി.