Centre urges governors to be active on social media during disputes

കേന്ദ്രവും സംസ്ഥാനവും തമ്മിൽ അഭിപ്രായ വ്യത്യാസങ്ങളുണ്ടാകുമ്പോൾ, ഗവർണർമാർ സമൂഹമാധ്യമങ്ങളിലൂടെ തങ്ങളുടെ നിലപാടുകൾ കൂടുതൽ ശക്തമായി അവതരിപ്പിക്കണമെന്ന് കേന്ദ്രസർക്കാർ നിർദ്ദേശിച്ചു. സാമൂഹിക മാധ്യമങ്ങളിലൂടെ പ്രാദേശിക ജനങ്ങളുമായി കൂടുതൽ ബന്ധം സ്ഥാപിക്കാനും ഗവർണർമാരോട് ആവശ്യപ്പെട്ടു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഈ നിർദ്ദേശങ്ങൾ രാഷ്ട്രപതി ദ്രൗപദി മുർമുവിന്റെ അധ്യക്ഷതയിൽ രാഷ്ട്രപതി ഭവനിൽ നടന്ന രണ്ടു ദിവസത്തെ സമ്മേളനത്തിലെ പ്രധാന അജണ്ടകളിലൊന്നായിരുന്നു. ഗവർണർമാർ സംസ്ഥാന തലത്തിൽ കേന്ദ്ര ഏജൻസികളുമായി സഹകരിച്ച് പ്രവർത്തിക്കണമെന്നും, തൊഴിൽ സൃഷ്ടിക്കൽ, വിദ്യാഭ്യാസം, നൈപുണ്യ പരിശീലനം, സേവനം, വളർച്ച തുടങ്ങിയ മേഖലകളിൽ സജീവമായി ഇടപെടണമെന്നും കേന്ദ്രം നിർദ്ദേശിച്ചു.

ഓരോ സംസ്ഥാനത്തെയും സാമുദായിക നേതാക്കളുമായി നിരന്തരം യോഗങ്ങൾ നടത്താനും, ഓപ്പൺ ഫോറങ്ങൾ സംഘടിപ്പിക്കാനും, ജനങ്ങളുമായി നേരിട്ട് സംവദിക്കാനും ഗവർണർമാരോട് ആവശ്യപ്പെട്ടു. സ്കൂളുകളിലും ആശുപത്രികളിലും ഗവർണർമാർ സന്ദർശനം നടത്തണമെന്നും നിർദ്ദേശമുണ്ട്.

സമ്മേളനത്തിൽ രാഷ്ട്രപതി, ഉപരാഷ്ട്രപതി, പ്രധാനമന്ത്രി, വിവിധ കേന്ദ്രമന്ത്രിമാർ, നിതി ആയോഗ് വൈസ് ചെയർമാൻ, ഉന്നത ഉദ്യോഗസ്ഥർ എന്നിവർ പങ്കെടുത്തു. രാജ്യത്തെ മൂന്ന് ക്രിമിനൽ നിയമങ്ങളുടെ പരിഷ്കരണം, ഉന്നത വിദ്യാഭ്യാസ പരിഷ്കാരം, സർവകലാശാലകളുടെ അംഗീകാരം, ആദിവാസി മേഖലയുടെ വികസനം തുടങ്ങിയ വിഷയങ്ങളിലും ചർച്ചകൾ നടന്നു.

ബംഗ്ലാദേശിൽ സൈനിക അട്ടിമറി? വ്യാജ വാർത്തകൾ പ്രചരിക്കുന്നെന്ന് ഇടക്കാല സർക്കാർ

Story Highlights: Governors instructed to actively share views on social media during state-centre disputes Image Credit: twentyfournews

സോഷ്യൽ മീഡിയ ഉപയോഗം കുറയ്ക്കുന്നു; കാരണം വെളിപ്പെടുത്തി വിരാട് കോഹ്ലി