Wayanad Rehabilitation: Government to Build Two Townships

വയനാട് പുനരധിവാസത്തിനായി സർക്കാർ രണ്ട് ടൗൺഷിപ്പുകൾ നിർമ്മിക്കാൻ തീരുമാനിച്ചു. മേപ്പാടി പഞ്ചായത്തിലെ നെടുമ്പോല എസ്റ്റേറ്റിലും കൽപ്പറ്റ മുനിസിപ്പാലിറ്റിയിലെ എൽസ്റ്റോൺ എസ്റ്റേറ്റിലുമാണ് ഇവ നിർമ്മിക്കുക. ചീഫ് സെക്രട്ടറി സ്ഥലം പരിശോധനാ നടപടികൾക്ക് നിർദേശം നൽകിയിട്ടുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മുഖ്യമന്ത്രി പിണറായി വിജയൻ പറഞ്ഞതനുസരിച്ച്, ഉരുൾപൊട്ടൽ ദുരന്തബാധിതർക്ക് 1000 സ്ക്വയർഫീറ്റിൽ ഒറ്റനില വീടുകളാണ് നിർമ്മിച്ചു നൽകുക. ഭാവിയിൽ രണ്ടാമത്തെ നില കൂട്ടിച്ചേർക്കാൻ സാധിക്കുന്ന രീതിയിലാകും അടിത്തറ പണിയുക. വീടുകൾ ഒരേ രീതിയിലും ഗുണനിലവാരം ഉറപ്പാക്കിയുമായിരിക്കും നിർമ്മിക്കുക.

വിലങ്ങാടിലെ ദുരന്തബാധിതർക്കും പുനരധിവാസം ഉറപ്പാക്കുമെന്ന് അദ്ദേഹം അറിയിച്ചു. പുനരധിവാസത്തിൽ വീട് നഷ്ടപ്പെട്ടവർക്കാണ് മുൻഗണന നൽകുക. മാറി താമസിക്കേണ്ടി വന്നവരെ രണ്ടാം ഘട്ടത്തിൽ പരിഗണിക്കും.

ജീവനോപാധി ഉറപ്പാക്കുന്നതിനായി തൊഴിലെടുക്കാൻ കഴിയുന്ന പരമാവധി പേർക്ക് തൊഴിൽ ഉറപ്പുവരുത്തും. സ്ത്രീകൾക്ക് അവർക്ക് താൽപര്യമുള്ള തൊഴിലിൽ ഏർപ്പെടുന്നതിന് ആവശ്യമായ പരിശീലനവും നൽകും. വാടകകെട്ടിടങ്ങളിൽ കച്ചവടം നടത്തുന്നവരെയും പുനരധിവാസത്തിന്റെ ഭാഗമായി സംരക്ഷിക്കും.

അമ്പലവയൽ ആനപ്പാറ പാലം അപകടാവസ്ഥയിൽ; അടിയന്തര അറ്റകുറ്റപ്പണി ആവശ്യപ്പെട്ട് നാട്ടുകാർ

Story Highlights: Government to construct two townships for Wayanad rehabilitation

വയനാട് ബാണാസുര സാഗർ അണക്കെട്ടിന്റെ ഷട്ടറുകൾ ഉയർത്തി; ജാഗ്രതാ നിർദ്ദേശം