Germany thrashes Bosnia 7-0 in UEFA Nations League, secures QF spot

യുവേഫ നാഷൻസ് ലീഗിൽ ജർമനി വീണ്ടും തകർപ്പൻ പ്രകടനം കാഴ്ചവച്ചു. എതിരില്ലാത്ത ഏഴു ഗോളുകൾക്ക് ബോസ്നിയയെ തകർത്ത ജർമനി, എ ഗ്രൂപ്പ് മൂന്നിൽ ഒന്നാം സ്ഥാനം സ്വന്തമാക്കുകയും ക്വാർട്ടർ ഫൈനൽ ബെർത്ത് ഉറപ്പിക്കുകയും ചെയ്തു. യൂറോപ്പ പാർക്കിൽ നടന്ന പ്രാഥമിക റൗണ്ടിലെ അഞ്ചാം മത്സരത്തിലാണ് ജർമനി ഈ മികച്ച പ്രകടനം കാഴ്ചവച്ചത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ജർമനിക്കായി ഫ്ലോറൻസ് വൈറ്റ്സും ടിം ക്ലെയിൻഡിയൻസ്റ്റും ഇരട്ട ഗോൾ നേടി. യമാൽ മുസിയാള, കൈ ഹാവേർട്സ്, ലിറോയ് സനെ എന്നിവരും ഓരോ ഗോൾ നേടി. മത്സരത്തിന്റെ തുടക്കം മുതൽ അവസാനം വരെ ജൂലിയൻ നെഗ്ലസ്മാനും സംഘത്തിനും ആധിപത്യം പുലർത്താൻ കഴിഞ്ഞു. രണ്ടാം മിനിറ്റിൽ ക്യാപ്റ്റൻ ജോഷുവ കിമ്മിച്ചിന്റെ ക്രോസിൽ യമാൽ മുസ്യാല ആദ്യ ഗോൾ നേടി. 23-ാം മിനിറ്റിൽ ടിം ക്ലെയിൻഡിയൻസ്റ്റ് രണ്ടാം ഗോൾ നേടി, ഇത് ജർമൻ ജഴ്സിയിൽ 29-കാരന്റെ ആദ്യ ഗോൾ കൂടിയായിരുന്നു.

സൂപ്പർ ലീഗ് കേരളക്ക് ആവേശത്തുടക്കം; ഉദ്ഘാടന മത്സരത്തിൽ കാലിക്കറ്റ് എഫ്.സിക്ക് ജയം

രണ്ടാം പകുതിയിൽ ജർമനി കൂടുതൽ ആക്രമണോത്സുകമായി. 50-ാം മിനിറ്റിൽ ഫ്ലോറിയൻ വിർട്സ് ഗോൾ നേടി, 57-ാം മിനിറ്റിൽ അദ്ദേഹം വീണ്ടും ലക്ഷ്യം കണ്ടു. 66-ാം മിനിറ്റിൽ സാനെയും 79-ാം മിനിറ്റിൽ ക്ലെയിൻഡിയൻസ്റ്റും ചേർന്ന് ജർമൻ ഗോൾ പട്ടിക പൂർത്തിയാക്കി. ഗ്രൂപ്പ് എ ത്രീയിലെ മറ്റൊരു മത്സരത്തിൽ നെതർലൻഡ്സ് ഹംഗറിയെ എതിരില്ലാത്ത നാല് ഗോളുകൾക്ക് തോൽപ്പിച്ചു.

Seven, yes seven goals this evening 💪#DFB #GermanFootball #GermanMNT #NationsLeague #GERBIH pic.twitter.com/wkVml7FZ3m

— German Football (@DFB_Team_EN) November 16, 2024