Gautam Gambhir on his future as Indian cricket team coach

പരിശീലക സ്ഥാനത്ത് തന്റെ ഭാവി ബിസിസിഐ തീരുമാനിക്കുമെന്ന നിലപാടുമായി ഗൗതം ഗംഭീർ. ദക്ഷിണാഫ്രിക്കയോട് സ്വന്തം മണ്ണിൽ ടെസ്റ്റ് പരമ്പര അടിയറവു വെച്ചതിന് പിന്നാലെ ഗംഭീറിനെതിരെ വിമർശനങ്ങൾ ഉയരുന്ന സാഹചര്യത്തിലാണ് അദ്ദേഹത്തിന്റെ പ്രതികരണം. ഇന്ത്യൻ ക്രിക്കറ്റിന്റെ ഭാവി പ്രധാനമാണെന്നും താനല്ലെന്നും ഗംഭീർ വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സ്വന്തം മണ്ണിലെ തുടർച്ചയായ ടെസ്റ്റ് പരമ്പരയിലെ പരാജയങ്ങൾ ഗംഭീറിനെതിരെയുള്ള വിമർശനങ്ങൾക്ക് പ്രധാന കാരണമായി. മുൻ താരങ്ങൾ ഉൾപ്പെടെ പലരും ഗംഭീറിനെതിരെ രംഗത്ത് വന്നിട്ടുണ്ട്. അതേസമയം, ഏഷ്യ കപ്പും ചാമ്പ്യൻസ് ട്രോഫിയും നേടിത്തന്ന ഗംഭീറിനെ അനുകൂലിക്കുന്നവരും ഉണ്ട്.

ഗംഭീറിൻ്റെ പരിശീലനത്തിന് കീഴിൽ ടീം സമ്മിശ്രമായ പ്രകടനമാണ് കാഴ്ചവെച്ചത്. ടി20 കിരീടം നേടിയ രാഹുൽ ദ്രാവിഡിന് ശേഷം പരിശീലകനായെത്തിയ ഗംഭീർ, ടീമിനെ ഏഷ്യാ കപ്പ്, ചാമ്പ്യൻസ് ട്രോഫി വിജയങ്ങളിലേക്ക് നയിച്ചു. ഫൈനലുകളിൽ സ്ഥിരമായി പരാജയപ്പെടുന്ന ടീം എന്ന പേരുദോഷം മാറ്റാൻ അദ്ദേഹത്തിന് സാധിച്ചു.

ALSO READ: സ്മൃതി മന്ദാനയുടെ അച്ഛൻ ആശുപത്രി വിട്ടു; മാറ്റിവച്ച വിവാഹത്തെക്കുറിച്ച് സൂചനകളൊന്നുമില്ല

അതേസമയം, ഒരു ദശകത്തിനു ശേഷം ആദ്യമായി ബോർഡർ ഗാവസ്കർ ട്രോഫി കൈവിട്ടതും, ന്യൂസിലാൻഡിനോടും ദക്ഷിണാഫ്രിക്കയോടും നാട്ടിൽ ടെസ്റ്റ് മത്സരങ്ങൾ പരാജയപ്പെട്ടതും ടെസ്റ്റ് ലോകകപ്പ് പ്രതീക്ഷകൾക്ക് മങ്ങലേൽപ്പിച്ചു. ഇത് കൂടാതെ ഈ സഹസ്രാബ്ദത്തിൽ ആദ്യമായി ശ്രീലങ്കയോട് ഏകദിന പരമ്പര നഷ്ടപ്പെട്ടതും ഗംഭീറിൻ്റെ കീഴിലാണ്.

ലോകകപ്പ് കിരീടം നേടിയ അതേ വേദിയിൽ സ്മൃതിക്ക് വിവാഹാഭ്യർത്ഥന

പരിചയസമ്പത്ത് കുറഞ്ഞ ടീമാണ് ഇപ്പോളുള്ളതെന്നും ഇവർ പഠിച്ച് വരുന്നതേയുള്ളൂവെന്നും ഗംഭീർ കൂട്ടിച്ചേർത്തു. ഇംഗ്ലണ്ടിൽ മികച്ച പ്രകടനം കാഴ്ചവെച്ച താൻ, ചാമ്പ്യൻസ് ട്രോഫിയും ഏഷ്യാ കപ്പും നേടിയിട്ടുണ്ടെന്നും അദ്ദേഹം ചൂണ്ടിക്കാട്ടി. “ഇത് തീരുമാനിക്കേണ്ടത് ബിസിസിഐയാണ്. ഞാൻ മുമ്പും പറഞ്ഞിട്ടുണ്ട്, പ്രധാനം ഇന്ത്യൻ ക്രിക്കറ്റിന്റെ ഭാവി ആണ് അല്ലാതെ ഞാനല്ല” എന്നും ഗംഭീർ വാർത്താ സമ്മേളനത്തിൽ പറഞ്ഞു.

ഇന്ത്യൻ ക്രിക്കറ്റിന്റെ ഭാവിക്ക് പ്രാധാന്യം നൽകുന്ന തീരുമാനങ്ങൾ ബിസിസിഐ എടുക്കുമെന്നും ഗംഭീർ പ്രത്യാശ പ്രകടിപ്പിച്ചു. പരിശീലക സ്ഥാനത്ത് തുടരണമോ വേണ്ടയോ എന്നുള്ളത് ബിസിസിഐയുടെ തീരുമാനത്തിന് വിട്ട് കൊടുക്കുകയാണെന്നും അദ്ദേഹം വ്യക്തമാക്കി.

Story Highlights: ദക്ഷിണാഫ്രിക്കയ്ക്കെതിരായ ടെസ്റ്റ് പരമ്പരയിലെ തോൽവിക്ക് പിന്നാലെ പരിശീലക സ്ഥാനത്ത് തുടരണോ വേണ്ടയോ എന്ന് ബിസിസിഐ തീരുമാനിക്കട്ടെയെന്ന് ഗൗതം ഗംഭീർ.

സ്മൃതി മന്ദാനയുടെ അച്ഛൻ ആശുപത്രി വിട്ടു; വിവാഹത്തെക്കുറിച്ചുള്ള അഭ്യൂഹങ്ങൾ തുടരുന്നു