Gangs of Sukumara Kurup: Innovative Promotion for Onam Release

സിനിമാ പരസ്യങ്ങളിൽ പുതുമയും വ്യത്യസ്തതയും കൊണ്ടുവരുന്നത് ചിത്രങ്ങൾക്ക് ഏറെ ഗുണകരമാണ്. ഇത്തരമൊരു കൗതുകകരമായ പ്രമോഷൻ ഇപ്പോൾ നടത്തുന്നത് ഷെബി ചൗഘട്ട് സംവിധാനം ചെയ്യുന്ന ‘ഗ്യാംങ്സ് ഓഫ് സുകുമാരക്കുറുപ്പ്’ എന്ന ചിത്രത്തിനാണ്. സമീപകാലത്ത് ഇത്തരം നടപടികൾ കുറവായിരുന്നെങ്കിലും മുമ്പും ഇത്തരം പ്രചാരണ രീതികൾ ഉണ്ടായിട്ടുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഓണക്കാലത്ത് സെപ്റ്റംബർ പതിമൂന്നിന് പ്രദർശനത്തിനെത്തുന്ന ഈ ചിത്രത്തിന്റെ പ്രചരണാർത്ഥം കേരളത്തിലെ എല്ലാ ജില്ലകളിലും ഡിസ്പ്ളേ ബോർഡുകൾ പ്രദർശിപ്പിച്ചുകൊണ്ടുള്ള 30ൽ അധികം വാഹനങ്ങൾ ഓടിത്തുടങ്ങി. പ്രജീവം മൂവീസിന്റെ ബാനറിൽ പ്രജീവ് സത്യവ്രതൻ നിർമ്മിച്ച ഈ ചിത്രത്തിന്റെ തിരക്കഥയും സംഭാഷണവും വി ആർ ബാലഗോപാൽ എഴുതുന്നു. ഛായാഗ്രഹണം രജീഷ് രാമനും എഡിറ്റിംഗ് സുജിത്ത് സഹദേവും നിർവഹിക്കുന്നു.

ഷാജി കൈലാസ്- ആനി ദമ്പതികളുടെ ഇളയ മകൻ റുഷിൻ ഷാജി കൈലാസ് നായകനായി അഭിനയിക്കുന്ന ഈ സിനിമയിൽ അബുസലീം ടൈറ്റിൽ കഥാപാത്രത്തെ അവതരിപ്പിക്കുന്നു. ജോണി ആന്റണി, ടിനി ടോം, എബിൻ ബിനോ, ഇനിയ, ശ്രീജിത്ത് രവി, സൂര്യ കൃഷ്, സുജിത്ത് ശങ്കർ, ദിനേശ് പണിക്കർ, സിനോജ് വർഗീസ്, പൂജ മോഹൻരാജ്, പാർവതി രാജൻ ശങ്കരാടി തുടങ്ങി നിരവധി താരങ്ങൾ ഈ ചിത്രത്തിൽ അഭിനയിക്കുന്നു.

ലോക 2വിൽ മമ്മൂട്ടി എത്തുമോ? കാത്തിരിപ്പുമായി സിനിമാപ്രേമികൾ

Story Highlights: Gangs of Sukumara Kurup movie launches unique promotional campaign with display boards on vehicles across Kerala

മമ്മൂട്ടി കമ്പനിയുടെ ആദ്യ ഹ്രസ്വചിത്രം ‘ആരോ’ യൂട്യൂബിൽ റിലീസ് ചെയ്തു