ഐഎസ് ആഫ്രിക്കൻ നേതാവ് സഹ്റാവിയെ ഫ്രഞ്ച് സേന വധിച്ചു.

ഭീകരസംഘടനയായ ഐഎസിന്റെ ആഫ്രിക്കൻ തലവൻ അദ്നാൻ അബു വാലിദ് അൽ സഹ്റാവിയെ ഫ്രഞ്ച് സേന വ്യോമാക്രമണത്തിലൂടെ വധിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കഴിഞ്ഞവർഷം സഹ്റാവിയുടെ നേതൃത്വത്തിലുള്ള സംഘം 7 ഫ്രഞ്ച് സന്നദ്ധപ്രവർത്തകരെ കൊലപ്പെടുത്തിയിരുന്നു. തുടർന്നാണ് ഫ്രഞ്ച് സേന ഐഎസ് നേതാവിനെ വധിക്കാനുള്ള നീക്കം തുടങ്ങിയത്. 2017ൽ നൈഗറിൽ നടത്തിയ ഭീകരാക്രമണത്തിൽ നാലു യുഎസ് സൈനികരെയും 4 നൈജർ സേനാംഗങ്ങളെയും ഐഎസ് കൊലപ്പെടുത്തിയിരുന്നു.

കഴിഞ്ഞ മാസമാണ് സഹ്റാവിയെ ഫ്രഞ്ച് സേന കൊലപ്പെടുത്തിയത്. എന്നാൽ ഐഎസ് നേതാവ് തന്നെയാണ് മരിച്ചതെന്ന് ഉറപ്പുവരുത്താനായിരുന്നു പ്രഖ്യാപനം വൈകിയതെന്ന് ഫ്രഞ്ച് പ്രതിരോധ മന്ത്രി അറിയിച്ചു. ആഫ്രിക്കയിലെ തീവ്രവാദ കൂട്ടായ്മയായ മുജാവോയുടെ നേതാവായിരുന്നു സഹ്റാവി.