Paris Olympics: Attack on French Rail Network Disrupts Services

പാരിസിൽ ഒളിമ്പിക്സ് ഉദ്ഘാടന ചടങ്ങുകൾ നടക്കാൻ മണിക്കൂറുകൾ മാത്രം ബാക്കി നിൽക്കെ ഫ്രാൻസിലെ അതിവേഗ റെയിൽ ശൃംഖലയ്ക്ക് നേരെ ആക്രമണമുണ്ടായി. ഇതിനെ തുടർന്ന് നിരവധി ട്രെയിനുകൾ റദ്ദാക്കുകയും പല ട്രെയിനുകളും വഴിതിരിച്ച് വിടുകയും ചെയ്തു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വടക്ക് കിഴക്കൻ റെയിൽ സർവീസുകളെയാണ് ആക്രമണം കൂടുതൽ ബാധിച്ചത്. സംഭവത്തെ വളരെ ഗൗരവത്തോടെയാണ് ഫ്രഞ്ച് സര്ക്കാര് വീക്ഷിക്കുന്നത്.

ആക്രമണത്തെ അപലപിച്ച് ഫ്രഞ്ച് ഗതാഗതമന്ത്രി രംഗത്തെത്തുകയും യാത്രകൾ മാറ്റിവെക്കാൻ നിർദേശം നൽകുകയും ചെയ്തു. ട്രെയിൻ നെറ്റ്വർക്കിനെ തളർത്തുന്നതിനുള്ള ആക്രമണമാണിതെന്ന് എസ്എൻസിഎഫ് വാർത്താ ഏജൻസിയായ എഎഫ്പിയോട് പറഞ്ഞു.

നിരവധി റൂട്ടുകൾ റദ്ദാക്കേണ്ടിവരുമെന്നും അറ്റകുറ്റപ്പണികൾ സമയമെടുക്കുമെന്നും എസ്എൻസിഎഫ് കൂട്ടിച്ചേർത്തു. 7,500 അത്ലറ്റുകളും 300,000 കാണികളും വിഐപികളും പങ്കെടുക്കുന്ന പാരീസ് ഒളിമ്പിക്സ് ഉദ്ഘാടന ചടങ്ങിന് ഒരുക്കം പുരോഗമിക്കുന്നതിനിടെയാണ് ഈ ആക്രമണമുണ്ടായത്.

ഇത് ഒളിമ്പിക്സ് ചടങ്ങുകളുടെ സുരക്ഷയെക്കുറിച്ച് ആശങ്ക ഉയർത്തിയിട്ടുണ്ട്. ഫ്രഞ്ച് അധികൃതർ സുരക്ഷാ മുൻകരുതലുകൾ ശക്തമാക്കിയിട്ടുണ്ടെങ്കിലും, ഇത്തരം സംഭവങ്ങൾ ആവർത്തിക്കാതിരിക്കാൻ കൂടുതൽ നടപടികൾ ആവശ്യമാണെന്ന് വിദഗ്ധർ അഭിപ്രായപ്പെടുന്നു.

ഖേലോ ഇന്ത്യയിൽ സ്വർണ്ണം നേടിയ ജോബി മാത്യുവിന് നെടുമ്പാശ്ശേരിയിൽ വമ്പൻ സ്വീകരണം

മനു ഭാക്കറിന്റെ ഒളിമ്പിക് മെഡലുകൾക്ക് കേടുപാട്; ഐഒസി മാറ്റി നൽകും