കർണാടകയിലെ മംഗളൂരുവിൽ ബാഗൽകോട്ട് ജില്ലയിൽ ഒരു കുടുംബത്തിലെ 4 പേരെ വീടിനുള്ളിൽ മരിച്ച നിലയിൽ കണ്ടെത്തി.നാഗേഷ് ഷെരിഗുപ്പി (30), ഭാര്യ വിജയലക്ഷ്മി (26), മക്കളായ സ്വപ്ന (8), സമർത് (4) എന്നിവരെയാണ് മരിച്ച നിലയിൽ കണ്ടെത്തിയത്.
നാഗേഷിനെ മരിച്ച നിലയിലും മറ്റുള്ളവരെ വിഷം കഴിച്ച നിലയിലുമാണ് കണ്ടെത്തിയത്.ഭാര്യയെയും മക്കളെയും കൊലപ്പെടുത്തിയ ശേഷം നാഗേഷ് ആത്മഹത്യ ചെയ്തതാകാമെന്നാണ് പ്രാഥമിക നിഗമനം.മരണ കാരണം എന്താണെന്നത് വ്യക്തമല്ല.സിറ്റി പൊലീസ് കമ്മീഷണർ എൻ ശശികുമാർ, ഡിസിപി ഹരിറാം ശങ്കർ എന്നിവർ സംഭവസ്ഥലത്തെത്തി പരിശോധന നടത്തി.
കഴിഞ്ഞ ഒക്ടോബർ മാസം വിജയലക്ഷ്മിയെ കാണാതായതിനെ തുടർന്ന് നാഗേഷ് പൊലീസിൽ പരാതി നൽകിയിരുന്നു.ഭർത്താവുമായി പിണങ്ങി സുഹൃത്തിനൊപ്പം കഴിഞ്ഞിരുന്ന യുവതി തിരികെ വന്നതോടെ കേസ് അവസാനിച്ചിരുന്നു.നാഗേഷ് ഡ്രൈവറും വിജയലക്ഷ്മി സെക്യൂരിറ്റി ജീവനക്കാരിയുമാണ്.
Story highlight : Four members of a family found dead in Karnataka.
